2Фес 2 Фесаланікійцам, раздзел Другое пасланне да Фесаланікійцаў, раздзел 3
Нарэшце, маліцеся за нас, браты, каб слова Госпада пашыралася і выслаўлялася, як і ў вас,Эф 6:19
і каб мы былі выбаўленыя ад нягодных і злых людзей, бо не ў-ва ўсіх вера.
Але верны Госпад, Які ўмацуе вас і захавае ад злога.Ян 17:15
Мы пэўныя адносна вас у Госпадзе, што вы выконваеце і будзеце выконваць тое, што мы загадваем вам.
Няхай Сам Госпад накіруе сэрцы вашыя да любові Божае і цярплівасьці Хрыстовай.
Загадваем вам, браты, у імя Госпада нашага Ісуса Хрыста, каб цураліся ўсякага брата, які ходзіць свавольна і не паводле традыцыі, прынятай ад нас,
бо вы самі ведаеце, як трэба насьлядаваць нас, бо мы не сваволілі між вамі,1Кар 11:1; 1Фес 4:12
таксама дарма ні ў каго хлеба ня елі, але ў працы і стоме рабілі ўначы і ўдзень, каб не абцяжарыць каго з вас,Дзеі 20:34; 1Кар 4:12; 1Фес 2:9
не таму, што ня маем улады, але каб сябе саміх даць вам за прыклад дзеля перайманьня нас.1Кар 4:16
Бо калі мы былі ў вас, дык загадалі вам: калі хто ня хоча працаваць, той няхай і ня есьць.Быц 3:19
Але чуем, што некаторыя ў вас ходзяць свавольна, нічога ня робяць, але мітусяцца.
Гэтакім загадваем і молім у Госпадзе нашым Ісусе Хрысьце, каб яны, працуючы моўчкі, елі свой хлеб.
А вы, браты, не журыцеся, робячы дабро.Гал 6:9
Калі ж хто не паслухаецца слова нашага праз гэтае пасланьне, таго мейце на прыкмеце і ня мейце справы з ім, каб быў асаромлены;Мц 18:17
але не лічыце яго за ворага, але настаўляйце, як брата.
Сам жа Госпад супакою няхай дасьць вам супакой заўсёды і ў-ва ўсім. Госпад з усімі вамі.Флп 4:9; 1Фес 5:23
Прывітаньне маёю рукою, Паўлаваю, што ёсьць знак у-ва ўсякім пасланьні; пішу я гэтак:
ласка Госпада нашага Ісуса Хрыста з усімі вамі. Амэн.