Экл Эклезіяст, раздзел Кніга Эклезіяста, альбо Прапаведніка, раздзел 7
Лепш [добрае] імя, чым добры алей, і [лепш] дзень сьмерці, чым дзень нараджэньня.Выс 22:1
Лепш ісьці ў дом жалобы, чым ісьці ў дом сьвяткаваньня, бо там — канец кожнага чалавека, і [чалавек] жывы складае гэта ў сэрцы сваім.Як 4:9
Лепш смутак, чым сьмех, бо праз засмучанае аблічча будзе лепшым сэрца.2Кар 7:10
Сэрца мудрых — у доме жалобы, а сэрца дурняў — у доме радасьці.
Лепш чалавеку слухаць дакараньні мудрага, чым слухаць сьпеў дурняў.Выс 15:31
Бо сьмех дурня — як трэскат трэсак пад гаршчком. І гэта таксама марнасьць.
Бо прыгнёт [іншых] мудрага робіць шалёным, і падарунак псуе сэрца.
Лепш канец справы, чым яе пачатак, лепш павольны [на гнеў], чым фанабэрысты.
Ня будзь хуткі да гневу ў духу тваім, бо гнеў жыве ў заўлоньні дурняў.Выс 14:17
Не кажы: “Што гэта такое, што ранейшыя дні былі лепшыя, чым цяперашнія?”, бо ня з мудрасьці ты пытаешся пра гэта.
Добрая мудрасьць разам са спадчынай, асабліва для таго, хто бачыць сонца.
Бо ў ценю мудрасьці як у ценю срэбра; і карысьць веданьня [ў тым, што] мудрасьць дае жыцьцё таму, хто мае яе.
Паглядзі на справы Божыя, бо хто можа выпрастаць тое, што Ён скрывіў.Экл 1:15
У дзень добры карыстайся з добрага, а ў дзень ліхі ўбач, што адно зрабіў Бог насупраць другога, так што ня знойдзе чалавек, што будзе пасля яго.Ёў 2:10
Усё гэта я бачыў у дні марнасьці маёй: вось, праведнік гіне ў праведнасьці сваёй, і вось бязбожнік доўга жыве ў ліхоце сваёй.
Ня будзь залішне праведны, і ня будзь надта мудры! Навошта маеш нішчыць сам сябе?Іс 5:21; Рым 11:20
Не асуджай залішне і ня будзь дурнем! Навошта табе паміраць ня ў свой час?Ёў 15:32
Добра, калі будзеш трымацца аднаго, і ад другога не прыбірай рукі тваёй, бо той, хто баіцца Бога, пазьбегне ўсяго гэтага.
Мудрасьць робіць мудрага мацнейшым за дзесяць уладароў, якія ў горадзе.Экл 9:16
Бо няма на зямлі чалавека праведнага, які робіць дабро і не грашыць.3Цар 8:46; 2Пар 6:36; Выс 20:9; Як 3:2; 1Ян 1:8; Рым 7:14
Таксама кожнае слова, што гавораць, не ўкладай у сэрца тваё, і ня слухай, як слуга твой праклінае цябе;
бо ведае сэрца тваё, што ты шмат разоў таксама праклінаў іншых.
Усё гэта я выпрабаваў мудрасьцю. Я сказаў: “Я буду мудрым”, але [мудрасьць] далёка ад мяне.
Далёка тое, што ўжо было, і глыбокае, глыбокае. Хто знойдзе яго?Рым 11:33
Зьвярнуў я сэрца маё, каб спазнаць і дасьледаваць, і шукаць мудрасьць і разуменьне, і каб спазнаць, што бязбожнасьць — дурасьць, а глупота — шаленства.Экл 1:17; Ян 10:8
І знайшоў я, што гарчэйшая за сьмерць жанчына, у якой сэрца як пастка і сіло, а рукі ейныя — як путы. Хто добры перад абліччам Бога, той уратуецца ад яе; а грэшнік будзе злоўлены ёю.Выс 5:4; Выс 22:4
Вось гэта я знайшоў, сказаў Эклезіяст, адно з другім [параўноўваючы], каб знайсьці разуменьне.
Чаго яшчэ шукала душа мая і не знайшла? Чалавека аднаго з тысячы я знайшоў, а жанчыны сярод усіх іх не знайшоў.Рым 5:15; Рым 7:4
Вось толькі гэта я знайшоў, што Бог зрабіў чалавека правым, а яны шукаюць усялякія прыдумкі.Быц 1:27; Быц 3:2