Быц Быццё, раздзел Першая кніга Майсеева. Быццё, раздзел 13
І падняўся Абрам з Эгіпту сам і жонка ягоная, і ўсё, што ён меў, і Лот з ім, у Нэгеў.Пс 105:13
І быў Абрам вельмі багаты статкамі, срэбрам і золатам.Быц 24:35; Выс 10:22
І ён ішоў у падарожжы сваім з Нэгеву ў Бэтэль, аж да месца, дзе раней быў намёт ягоны між Бэтэлем і Гаем,Быц 12:8; Быц 35:6
да таго месца, дзе раней ён збудаваў ахвярнiк; і там клікаў Абрам імя ГОСПАДА.Быц 12:7
Таксама Лот, які ішоў з Абрамам, меў авечак, валоў і намёты.
І не магла зямля насіць іх, каб жылі разам, бо маёмасьць іх была вялікая і не маглі яны жыць разам.Быц 36:7
І была спрэчка паміж пастухамі статкаў Абрама і пастухамі статкаў Лота. А ў той час Хананейцы і Пэрэзэі жылі ў той зямлі.Быц 21:25
І сказаў Абрам Лоту: «Няхай ня будзе спрэчкі паміж мной і табой, і паміж пастухамі маімі і пастухамі тваімі, бо мы ж браты.Пс 34:15; Быц 11:27; Быц 14:12
Ці ня ўся гэтая зямля перад табою? Прашу, адлучыся ад мяне! Калі ты ўлева, дык я — управа, а калі ты ўправа, дык я — улева».
І ўзьняў Лот вочы свае, і ўбачыў усю ваколіцу каля Ярдану аж да Цаару, бо ўся яна была [напоеная] вадой перад тым, як зьнішчыў ГОСПАД Садом і Гамору, як сад ГОСПАДА і як зямля Эгіпецкая.Быц 2:8; Іс 51:3; Езк 28:13
І выбраў сабе Лот усю ваколіцу каля Ярдану. І рушыў Лот на ўсход, і аддзяліліся яны адзін ад аднаго.
Абрам жыў у зямлі Ханаан, а Лот жыў у гарадах той ваколіцы і паставіў намёты аж да Садому.
А жыхары Садому былі ліхімі і вялікімі грэшнікамі перад ГОСПАДАМ.Быц 18:20; Быц 19:13; Езк 16:49
І сказаў ГОСПАД Абраму пасьля таго, як Лот адлучыўся ад яго: «Узьнімі вочы твае і паглядзі з месца, дзе ты цяпер, на поўнач і на поўдзень, на ўсход і на захад.
Бо ўсю зямлю, якую бачыш, Я дам табе і насеньню твайму на вякі.Быц 12:7; Быц 15:18; Быц 26:4; Дрз 34:4
І зраблю насеньне тваё, як пясок зямлі. Калі чалавек зможа палічыць пясок зямлі, тады і тваё насеньне палічана будзе.Быц 32:13; Дрз 10:22
Устань і прайдзі па зямлі гэтай у даўжыню і шырыню яе, бо Я дам яе табе».
І паставіў Абрам намёт, і пайшоў, і абжыўся каля дубровы Мамрэ, што ў Хеўроне, і пабудаваў там ахвярнiк ГОСПАДУ.Лік 13:22