Лік Лікі, раздзел Чацвёртая кніга Майсеева. Лікі, раздзел 10
І прамовіў ГОСПАД да Майсея, кажучы:
«Зрабі сабе дзьве трубы срэбныя, кутыя, і будуць яны склікаць усю грамаду, каб рыхтаваць табар [у дарогу].
І затрубяць [у трубы], і зьбярэцца да цябе ўся грамада да ўваходу ў Намёт Спатканьня.
А калі ў адну затрубяць, зьбяруцца да цябе князі і начальнікі дружынаў Ізраіля.
Калі затрубіш працягла, выйдзе [ў дарогу] табар, які з усходняга боку.Лік 2:3
Калі другі раз працягла затрубіш, выйдзе [ў дарогу] табар, які з паўднёвага боку. Знакам на вырушаньне табару будзе працяглае трубеньне.Лік 2:10
На зьбіраньне царквы затрубіце, але не працягла.
Трубіць у трубы будуць сыны Аарона, сьвятары. Будзе гэта вам і нашчадкам вашым пастанова вечная.Вых 27:21
Калі будзеш ісьці на вайну ў зямлі вашай супраць ворага, які наступае на вас, будзеце трубіць у трубы. Гэта будзе кліч ваш перад абліччам ГОСПАДА, Бога вашага, і Ён збавіць вас ад ворагаў вашых.Лік 31:6; 2Пар 13:12; Ёў 39:25
У дзень радасьці вашай, у сьвяты і ў маладзікі, пры вашых цэласпаленьнях і ахвярах мірных, будзеце трубіць у трубы; і яны будуць нагадваньнем перад абліччам Бога вашага пра вас. Я — ГОСПАД, Бог ваш!»Лік 28:14; 4Цар 11:14; 2Пар 7:6
І сталася ў другі год, у другі месяц, у дваццаты [дзень] месяца, паднялося воблака з-над Сялібы Сьведчаньня.
І вырушылі сыны Ізраіля ў дарогу сваю з пустыні Сынай, і спынілася воблака ў пустыні Паран.Лік 2:2
Першы раз паводле [слова] з вуснаў ГОСПАДА, [дадзенага] праз Майсея, вырушылі ў дарогу.
Першым вырушыў сьцяг табару сыноў Юды з дружынамі сваімі, а над дружынамі ягонымі [быў] Нахшон, сын Амінадава.Лік 1:7
А над дружынамі пакаленьня сыноў Ісахара [быў] Натанаэль, сын Цуара.Лік 1:8
А над дружынамі пакаленьня сыноў Завулёна [быў] Эліяў, сын Хэлёна.Лік 1:9
І разабралі Сялібу, і вырушылі сыны Гершона і сыны Мэрары, несучы Сялібу.Лік 4:5
І выйшаў [у дарогу] сьцяг табару сыноў Рубэна з дружынамі сваімі, а над дружынамі ягонымі [быў] Эліцур, сын Шэдэура.Лік 1:5
А над дружынамі пакаленьня сыноў Сымона [быў] Шэлюміэль, сын Цурышадая.Лік 1:6; Лік 2:12
Над дружынамі пакаленьня сыноў Гада [быў] Эліясаф, сын Дэўэля.Лік 1:14; Лік 2:14
І выйшлі [ў дарогу] сыны Кегата, несучы [рэчы] сьвятыя, і пакуль яны прыйшлі, Сяліба была ўжо пастаўлена.
І выйшаў [у дарогу] сьцяг табару сыноў Эфраіма з дружынамі сваімі, а над дружынамі ягонымі [быў] Элішама, сын Амігуда.Лік 1:10; Лік 2:18
А над дружынай пакаленьня сыноў Манасы [быў] Гамаліэль, сын Пэдагсура.Лік 1:10; Лік 2:20
А над дружынамі пакаленьня сыноў Бэн’яміна [быў] Абідан, сын Гідэоні.Лік 1:11; Лік 2:22
І выйшаў [у дарогу] сьцяг табару сыноў Дана з дружынамі сваімі, а над дружынамі ягонымі [быў] Ахіезэр, сын Амішадая.Лік 1:12; Лік 2:25
А над дружынамі пакаленьня сыноў Асэра [быў] Пагіэль, сын Акрана.Лік 1:13; Лік 2:27
А над дружынамі сыноў Нэфталі [быў] Ахіра, сын Энана.Лік 1:15; Лік 2:19
Вось такі быў [парадак] паходу сыноў Ізраіля з дружынамі сваімі, калі выходзілі [ў дарогу].
І сказаў Майсей Хававу, сыну Рэгуэля, Мадыянца, цесьця свайго: «Мы выходзім у месца, пра якое сказаў ГОСПАД: "Я дам [яго] вам". Хадзі з намі, і будзе табе добра, бо ГОСПАД абяцаў дабро Ізраілю».Вых 2:18; Вых 18:1; Вых 6:12
Той сказаў яму: «Не пайду, але пайду ў зямлю маю і да сваякоў маіх».
І сказаў [Майсей]: «Не пакідай нас, бо ты ведаеш, як мы маем раскладацца табарам у пустыні, і будзеш для нас вачыма.
Калі пойдзеш з намі, тады калі будзе нешта добрае, што дасьць нам ГОСПАД, мы дамо табе».
І вырушылі яны з гары ГОСПАДА, і ішлі на працягу трох дзён. Каўчэг Запавету ГОСПАДА ішоў наперадзе іх на працягу трох дзён, каб знайсьці месца на табар.Дрз 31:8
І воблака ГОСПАДА [было] над імі ўдзень, калі яны выходзілі з табару.
І было, калі вырушаў Каўчэг [у дарогу], Майсей казаў: «Паўстань, ГОСПАДЗЕ, і няхай разьбягуцца ворагі Твае, і няхай паўцякаюць тыя, што ненавідзяць Цябе, перад абліччам Тваім».Пс 68:2
А калі ставілі [Каўчэг], казаў: «Вярніся, ГОСПАДЗЕ, да шматлікага войска Ізраіля!»2Пар 6:41; Пс 132:8