Лік Лікі, раздзел Чацвёртая кніга Майсеева. Лікі, раздзел 12
І гаварылі Мірыям і Аарон супраць Майсея з прычыны жанчыны Кушанкі, якую ён узяў за жонку,Лік 16:2; Вых 2:21
і казалі: «Ці ж толькі да Майсея прамаўляў ГОСПАД? Ці таксама да нас Ён не прамаўляў?» І пачуў [гэта] ГОСПАД.
А Майсей быў чалавекам пакорным, больш за ўсіх людзей, якія на зямлі.Вых 11:8; Мц 11:29
І сказаў раптам ГОСПАД да Майсея, і да Аарона, і да Мірыям: «Вы трох падыйдзіце да Намёту Спатканьня». І падыйшлі ўсе трое.
І ГОСПАД зыйшоў у слупе воблачным, і затрымаўся каля ўваходу ў Намёт, і паклікаў Аарона і Мірыям, і ўвайшлі яны абое.Вых 16:10; Лік 11:17; Лік 14:10
І Ён сказаў [ім]: «Слухайце словы Мае. Калі будзе ў вас прарок ГОСПАДА, Я аб’яўлюся яму ў відзежы, і ў снах буду прамаўляць да яго.1Цар 3:7
Ня так са слугой Маім Майсеем, ён — верны ў-ва ўсім доме Маім!Габр 3:5
Вуснамі ў вусны Я прамаўляю да яго, і адкрыта, а не ў загадках, і ён бачыць ГОСПАДА! Дык чаму адважыліся вы прамаўляць супраць слугі Майго Майсея?»Вых 33:11; Дрз 34:10; 1Кар 13:12
І запалаў гнеў ГОСПАДА супраць іх, і Ён адыйшоў.Лік 11:3
І воблака адыйшло ад Намёту. І вось, Мірыям сталася белая, як сьнег, ад праказы. І павярнуўся Аарон да Мірыям, і вось, яна пракажоная.Дрз 24:9
І сказаў Аарон Майсею: «Прашу, гаспадару мой, не карай нас за грэх, якога мы неразважна дапусьціліся і якім саграшылі.
Няхай ня будзе яна, як спарон, які напалову гнілы выходзіць з улоньня маці сваёй».4Цар 5:10
І клікаў Майсей да ГОСПАДА, кажучы: «Божа, прашу Цябе, аздараві яе!»
І сказаў ГОСПАД Майсею: «Калі б бацька яе плюнуў ёй у твар, ці ня мусіла б яна сем дзён саромецца? Так мае яна на сем дзён быць па-за табарам, а потым вернецца».Ляв 13:46; Ляв 14:8
І выдалена была Мірыям па-за табар на сем дзён, і народ не выходзіў [у дарогу], пакуль Мірыям не вярнулася.
Пасьля народ выйшаў з Хацэроту і стаў табарам у пустыні Паран.Лік 11:35