Psa Mga Salmo, salmo Ang Libro sa Mga Salmo, salmo 102
Pag-ampo sa usa ka tawong nag-antos sa dihang luya na siya. Gibutyag niya ang iyang mulo ngadto sa Ginoo.
Ginoo, pamatia ang akong pag-ampo.
Pamatia ang akong pagpangayo ug tabang kanimo.Psa 143:1
Ayaw pagtago kanako sa panahon sa akong kalisod.
Pamatia ako kon motawag ako kanimo,
ug tubaga dayon ako.Psa 13:1; Psa 44:24
Kay ang akong kinabuhi gakahanaw sama sa aso;
ang akong kabukogan daw gisunog.Pro 17:22
Daw sagbot ako nga gitunob-tunoban ug nalaya;
ug nawad-an akog gana sa pagkaon.Psa 109:22
Tungod sa akong kusog nga pag-agulo,
bukog na lang ako ug panit.
Nag-inusara ako sama sa langgam sa kamingawan
o sama sa ngiwngiw diha sa guba ug biniyaan nga dapit.Deu 14:17
Dili ako makatulog;
sama ako sa langgam nga nag-inusara sa atop sa balay.
Kanunay akong pakaulawan sa akong mga kaaway.
Gibiay-biay nila ako ug gigamit nila ang akong ngalan sa pagtunglo sa uban.
Wala na akoy kaon-kaon;
gayaka na lang ako sa abo102:9 gayaka na lang ako sa abo: nagpakita kini sa pagsubo. ug naghilak,Job 3:24
tungod sa imong labihang kasuko kanako.
Daw sa imo akong gipunit ug gilabay.
Ang akong kinabuhi sama sa anino nga nahanaw.
Ug sama ako sa sagbot nga nangalaya.Job 8:9; Job 14:1
Apan ikaw, Ginoo, naghari sa walay kataposan;
hinumdoman ka sa mga katawhan hangtod sa kahangtoran.
Kaloy-an mo na ang Zion102:13 Zion: mao usab ang Jerusalem.,
tungod kay miabot na ang gitagal nga panahon
nga ipakita mo ang imong kaayo kaniya.Psa 51:18; Jer 29:10
Kay kini nga siyudad gihigugma o gikabalak-an pa gihapon
sa imong katawhan nga imong mga alagad bisan guba na kini.
Ang kanasoran motahod sa Ginoo;
ang tanang hari sa kalibotan motahod sa iyang gahom.
Kay patindogon pag-usab sa Ginoo ang Zion;
ipakita niya ang iyang gamhanang presensya.Isa 14:32
Tubagon niya ang pag-ampo sa mga makaluluoy;
dili niya ipakawalay-bili ang ilang pag-ampo.
Isulat kini alang sa umaabot nga mga henerasyon,
aron modayeg sila sa Ginoo:
Gitan-aw sa Ginoo ang kalibotan gikan didto sa iyang balaang dapit sa langit,
aron madungog niya ang mga pag-agulo sa iyang katawhan nga binihag
ug aron luwason ang iyang katawhan nga gihukman nga patyon.Psa 79:11
Ug tungod niini, ang gipanghimo102:21 gipanghimo: sa literal, ngalan. sa Ginoo imantala sa Jerusalem102:21 Jerusalem: sa Hebreo makita usab ang pulong nga Zion, nga mao ang laing ngalan sa Jerusalem.,
ug didto pagadayegon siya.Isa 62:6
Mahitabo kini kon magtigom na ang mga katawhan gikan sa mga nasod
ug mga gingharian sa pagsimba sa Ginoo.Zec 8:21
Anaa pa lamang ako sa tunga-tunga sa akong kinabuhi,
apan gihimo na akong maluya sa Ginoo;
gipamub-an niya ang akong kinabuhi.Psa 89:45
Busa miingon ako:
“O Dios ko nga nagkinabuhi sa walay kataposan,
ayaw una kuhaa ang akong kinabuhi sa dili pa ako matigulang.Job 21:21
Kaniadto gibuhat mo ang kalibotan ug ang kalangitan.Heb 1:10
Kini sila mangawala apan ikaw magpadayon sa gihapon.
Magabok silang tanan sama sa bisti.
Ilisan mo sila sama sa bisti ug mawala sila.Isa 51:6; Mat 24:35
Apan ikaw mao lang sa gihapon;
wala kay kataposan.Job 36:26; Psa 81:2; Mal 3:6
Ang mga kaliwat sa imong mga alagad magkinabuhi nga luwas
sa katalagman ug imo silang bantayan.”