Psa Mga Salmo, salmo Ang Libro sa Mga Salmo, salmo 42
Ikaduhang Libro
Sal. 42–72
Ang awit alang sa maestro sa mga mag-aawit. Ang “Maskil” sa mga anak ni Kora.1Ch 6:22; 1Ch 9:19; 1Ch 26:1
Sama sa mananap nga lagsaw nga gihidlaw sa tubig sa sapa,
gihidlaw usab ako kanimo, O Dios.
Giuhaw ako kanimo, O buhi nga Dios.
Kanus-a pa kaha ako makatindog sa imong presensiya sa pag-atubang kanimo?Psa 84:2
Adlaw ug gabii grabe ang akong hilak.
Nagsigeg pangutana ang mga tawo kanako,
“Asa na man ang imong Dios?”
Masubo ako inigmahinumdoman ko nga kaniadto gipangulohan ko
ang daghang tawo sa pag-adto sa imong balay,
ug gasaulog kami nga adunay paghugyaw sa kalipay ug pagpasalamat kanimo.Job 30:16
Nganong maguol man ako ug mabalaka?
Kinahanglan mosalig ako kanimo ug dayegon ka nako pag-usab,
ikaw nga akong manluluwas ug Dios.Psa 43:5
Naguol ako pag-ayo;
mura ako ug gitabonan sa imong mga balod
nga daw naghaguros nga busay.
Busa gihinumdoman ka nako dinhi sa yuta sa Jordan
ug Hermon, sa Bukid sa Mizar.Psa 69:2
Sa adlaw ginapakita mo, Ginoo, ang imong gugma,
busa sa gabii nag-awit ako isip pag-ampo kanimo,
O Dios sa akong kinabuhi.Psa 119:62
O Dios nga akong salipdanan nga bato, moingon ako kanimo,
“Nganong gikalimtan mo ako?
Nganong kinahanglan pa man nga magsubo ako
tungod sa pagpangdaog-daog sa akong mga kaaway?”Psa 38:6
Daw madugmok ang akong kabukogan
sa pagbiay-biay nila kanako adlaw-adlaw
nga nag-ingon,
“Asa na man ang imong Dios?”
Nganong maguol
ug mabalaka man ako?
Kinahanglan mosalig ako kanimo,
ug dayegon ka nako pag-usab,
ikaw nga akong Manluluwas ug Dios.Psa 43:5