Psa Mga Salmo, salmo Ang Libro sa Mga Salmo, salmo 45
Ang awit alang sa maestro sa mga mag-aawit. Ang “Maskil” sa mga anak ni Kora. “Maskil” kini sa kasal. Awita kini sa tono sa awit nga “Mga Liryo.”Eph 1:6
Ang akong huna-huna napuno sa matahom nga mga pulong
samtang gisulti ko ang akong balak alang sa hari.
Nahisama ako sa usa ka hanas nga manunulat.
Mahal nga Hari, ikaw ang labing ambongan sa tanan,
ug nagsulti ka sa mga pulong nga makaayo sa uban,
busa gipanalanginan ka kanunay sa Dios.Luk 4:22
Itak-in ang imong espada, maisog nga hari;
gamhanan ka ug halangdon.Psa 24:8; Isa 11:5; Heb 4:12; Rev 1:16; Rev 19:15
Sa imong pagkahalangdon,
sulong nga madaogon
tungod ug alang sa kamatuoran,
sa mga dinaog-daog, ug sa katarungan.
Pinaagi sa imong gahom
makahimo ka ug katingalahang mga buhat.
Pataopi sa imong hait nga mga pana
ang mga kasing-kasing sa imong mga kaaway.
Magpailalom ang mga nasod kanimo.Job 6:4; Psa 38:2
Ang imong gingharian, O Dios,45:6 gingharian, O Dios: o gingharian nga gikan sa Dios. wala gayoy kataposan,
ug matarong ang imong pagdumala sa imong gingharian.Heb 1:8; Isa 32:1
Nahigugma ka sa katarong, apan nasilag ka sa kadaotan.
Busa gipili ka sa Dios, nga imong Dios,
ug gihatagan ka ug kalipay nga labaw
kaysa gihatag niya sa imong mga kauban.Psa 15:2; Isa 61:1
Ang imong bisti humot sa mira, aloe, ug casia.
Lingawon ka sa honi sa mga instrumento
sa imong palasyo nga adunay mahalong mga dekorasyon.45:8 mahalong mga dekorasyon: sa literal, dekorasyon nga hinimo gikan sa bangkil sa elepante.Sng 1:4; Eph 5:2
Pipila sa imong halangdong
mga babaye mga anak sa mga hari.
Sa imong tuo anaa nagtindog ang imong mahimong rayna
nga nagsul-ob ug alahas
nga lunsayng bulawan gikan sa Ofir.Isa 61:10
Pangasaw-onon sa hari, pamatia ang akong isulti:
Kalimti ang imong mga katagilungsod ug mga paryente,Hos 2:19
kay nabihag ang hari sa imong katahom.
Tahora siya kay imo siyang agalon.Isa 62:4; Rev 19:7
Ang mga lumulupyo sa Tiro apil na ang mga labing adunahan magdala
ug mga gasa kanimo aron hatagan mo sila ug maayong pagtagad.Psa 72:10
Pagkatahom sa prinsesa sa palasyo.
Ang iyang bisti binordahan ug bulawan.Ezk 16:10; Mat 22:11
Sinul-oban sa iyang matahom nga bisti,
dad-on siya ngadto sa hari.
Ug ang mga dalaga nga iyang mga abay magsunod kaniya.Isa 61:10; 1Pe 3:3
Dako kaayo ang ilang kalipay samtang nagsulod sila sa palasyo sa hari.
Mahal nga Hari, ang imong kaliwat nga mga lalaki mahimo usab nga mga hari
sama sa ilang mga katigulangan.
Himuon mo silang mga pangulo sa tibuok kalibotan.Rom 9:5; Rev 1:6; Rev 5:10
Ang tanang henerasyon mahinumdom kanimo.
Busa dayegon ka sa kanasoran hangtod sa kahangtoran.