Psa Mga Salmo, salmo Ang Libro sa Mga Salmo, salmo 47
Ang awit alang sa maestro sa mga mag-aawit. Ang awit sa mga anak ni Kora.
Tanang kanasoran!
Pamakpak kamo ug paghugyaw nga malipayon ngadto sa Dios!
Talahuron gayod ang Ginoo, ang Labing Halangdong Dios.
Gamhanan siya nga hari sa tibuok kalibotan.Zec 14:9; Mal 1:14; Rev 19:15
Gipailalom niya kanamong mga Israelinhon ang mga nasod.
Gipili niya alang kanamo ang yuta nga among panulondon,
ang gipasigarbo sa iyang pinalanggang si Jacob.
Samtang ang Dios nagpaingon sa iyang trono,
nanghugyaw ang mga tawo sa kalipay inubanan sa tingog sa mga budyong.Psa 68:18; Act 1:9; Eph 4:10
Pag-awit kamog mga pagdayeg sa Dios.
Pag-awit kamog mga pagdayeg sa atong hari.Isa 12:5
Kay ang Dios mao ang hari sa tibuok kalibotan.
Dayega ninyo siya pinaagi sa mga awit.
Naglingkod siya sa iyang balaang trono,
ug naggahom sa kanasoran.Psa 22:28; Psa 80:1; Heb 8:1
Nagtigom ang mga pangulo sa mga nasod
uban sa katawhan sa Dios ni Abraham.
Kay ang mga pangulo sa kalibotan iya sa Dios.
Dalaygon gayod siya.