1Фес 1 Фесаланікійцам, раздзел Першае пасланне да Фесаланікійцаў, раздзел 5
А пра часы і часіны няма патрэбы пісаць вам, браты,Дзеі 1:7
бо самі вы дакладна ведаеце, што дзень Гасподні так прыйдзе, як злодзей уначы.Мц 24:43; 2Пётр 3:10; Адкр 3:3; Адкр 16:15
Бо, калі будуць казаць: «мір і бясьпека», тады зьнянацку спасьцігне іх пагібель, як мука родамі спасьцігае цяжарную, і ня ўнікнуць.Лк 21:35
Але вы, браты, ня ў цемры, каб дзень застаў вас, як злодзей;
бо ўсе вы - сыны сьвятла і сыны дня: мы - ня сыны ночы, ні цемры.Рым 13:12
Дык вось, ня будзем спаць, як іншыя, а будзем чуваць і цьвярозіцца.Мц 24:42
Бо, хто сьпіць, сьпіць уночы, і хто ўпіваецца, упіваецца ўночы.
Мы ж як сыны дня, будзем цьвярозіцца, апрануўшыся ў браню веры і любові і ў шалом надзеі на збавеньне,Іс 59:17; Эф 6:14
таму што Бог вызначыў нас не на гнеў, а на атрыманьне збавеньня праз Госпада нашага Ісуса Хрыста,2Фес 2:14
Які памёр за нас, каб мы, ці то чуваем, ці то сьпім, жылі разам зь Ім.Рым 14:9
Таму ўмаўляйце адно аднаго і навучайце адно аднаго, як вы і робіце.
Просім жа вас, браты, паважаць тых, якія працуюць у вас, і якія пастаўлены над вамі ў Госпадзе, і якія на розум вас настаўляюць,
і шанаваць іх пераважна зь любоўю за справу іхнюю; будзьце ў згодзе паміж сабою.
Молім вас таксама, браты, настаўляйце на розум бясчынцаў, суцяшайце маладушных, падтрымлівайце слабых, будзьце цярплівыя з усімі.Гал 6:2
Глядзеце, каб хто каму не плаціў злом за зло; а заўсёды шукайце дабра і адно аднаму і ўсім.Выс 17:13; Мц 5:39; 1Пётр 3:9; Рым 12:17
Заўсёды радуйцеся.
Бесьперастанку малецеся.Лк 18:1; Кал 4:2
За ўсё дзякуйце: бо такая за вас воля Божая ў Ісусе Хрысьце.
Духа не гасеце.
Прароцтваў не прыніжайце.1Кар 14:1
Усё выпрабоўвайце, добрага трымайцеся.1Ян 4:1
Ухіляйцеся ад ліхаты ў любым яе выглядзе.
Сам жа Бог міру няхай асьвеціць вас ва ўсёй поўніцы, і ваш дух і душа і цела ва ўсёй цэласьці няхай захаваюцца без пахібы ў прышэсьце Госпада нашага Ісуса Хрыста.1Фес 3:13
Верны Той, Хто заклікае вас, Які і зьдзейсьніць гэта.1Кар 1:9
Браты! малецеся за нас.Кал 4:3
Вітайце ўсіх братоў цалаваньнем сьвятым.
Заклікаю вас Госпадам прачытаць гэта пасланьне ўсім сьвятым братам.
Мілата Госпада нашага Ісуса Хрыста з вамі. Амін.