Габр Габрэям, раздзел Пасланне да Габрэяў, раздзел 2
Таму мы павінны быць асабліва ўважлівыя да чутага, каб не адпасьці,
бо, калі праз анёлаў абвешчанае слова было цьвёрдае, і ўсякі пярэступ і непаслухмянасьць мелі справядлівую адплату,Вых 20:1; Дзеі 7:38; Дзеі 7:53; Гал 3:19; Габр 10:28
дык як мы ўнікнем, занядбаўшы такое вялікае выратаваньне, якое, спачатку абвешчанае Госпадам, было ў нас умацавана тымі, якія чулі ад Яго,Мц 4:17; Лк 1:2
што Бог і засьведчыў азнакамі і цудамі, і рознымі сіламі, і дарамі Духа Сьвятога па волі Ягонай?Мк 16:20
Бо не анёлам Бог упакорыў будучы сьвет, пра які гаворым;Мц 28:18
наадварот, нехта недзе засьведчыў, кажучы: «што ёсьць чалавек, што Ты памятаеш яго? альбо сын чалавечы, што Ты наведваеш яго?Пс 143:3
Ня дужа Ты ўнізіў яго перад анёламі; славаю й гонарам увянчаў яго, і паставіў яго над дзеямі рук Тваіх;Мц 27:46
усё пакарыў пад ногі ягоныя». Калі ж пакарыў яму ўсё, дык не пакінуў нічога непакорным яму. Цяпер жа яшчэ ня бачым, каб яму ўсё было ўпакорана;Пс 8:5; Мц 28:18; 1Кар 15:27
але бачым, што за перанясеньне сьмерці ўвянчаны славаю і гонарам Ісус, Які крыху быў прыніжаны перад анёламі, каб Яму, па мілаце Божай, зьведаць сьмерць за ўсіх.Ян 3:16; Флп 2:7; Флп 2:11; Адкр 5:9
Бо належала, каб Той, дзеля Каго ўсё і праз Каго ўсё, многіх сыноў вядучы да славы, Пачынальніка выратаваньня іх зрабіў празь цярпеньні.Выс 16:4; Лк 24:26; Ян 1:3
Бо, і Той, Хто асьвячае, і каго асьвячаюць, усе - ад Адзінага; таму ён не саромеецца называць іх братамі, кажучы:Мц 28:10; Ян 20:17
«абвяшчу Тваё імя братам Маім, сярод царквы апяю Цябе».Пс 21:23
І яшчэ: «Я буду спадзявацца на Яго». І яшчэ: «вось, Я і дзеці, якіх даў Мне Бог».Іс 8:17; 2Цар 22:3
А як дзеці былі ўдзельнікамі цела і крыві, дык Ён таксама прыняў іх, каб сьмерцю пазбавіць сілы таго, хто меў уладу сьмерці, гэта значыцца - д'ябла,Ян 1:14; Рым 8:3; 1Кар 15:54; 2Цім 1:10
і выратаваць тых, якія ад страху сьмерці праз усё жыцьцё былі ў рабстве.Лк 1:74; Рым 8:15
Бо не ад анёлаў прыме Ён, а прыме семя Абрагамавае.
Таму Ён павінен быў ва ўсім прыпадобніцца да братоў, каб быць міласэрным і верным Першасьвятаром прад Богам на ўмілажальваньне за грахі народу.Флп 2:7; Габр 5:2
Бо, як сам Ён перацярпеў, быў спакушаны, дык можа памагчы і тым, каго спакушаюць.Габр 4:15