Плач Плач Ераміі, раздзел Кніга плач Ераміі, раздзел 5
Успомні, Госпадзе, што над намі зьдзейсьнілася; паглядзі, падзівіся на паганьбеньне нашае:Езк 5:14
спадчына нашая перайшла да чужых, дамы нашыя - да іншапляменцаў;Ер 6:12
Мы асірацелі, бяз бацькі; маці нашыя - аўдавелі.
Ваду сваю п'ем за срэбра, дровы нашыя нам за грошы даюць.Езк 4:16
Нас паганяюць у карак, мы працуем - і ня маем спачыну.
Працягваем руку да Егіпцянаў, да Асірыянаў, каб наесьціся хлеба.
Бацькі нашыя грэшнікі: іх больш няма, а мы кару нясем за беззаконьні іхнія.Вых 20:5; Ер 31:29; Езк 8:2
Рабы пануюць над намі, і няма каму выбавіць з-пад рукі іхняй.Дрз 28:48
Свой хлеб здабываем з пагрозай жыцьцю ад меча.
Счарнела, як печ, нашая скура ад пякучага голадуЕзк 22:22
Жанок на Сіёне няславяць, дзяўчат - у гарадах Юдэйскіх.Дрз 28:30
Князі павешаны рукамі іхнімі, абліччы старцаў не ўшанаваны.Плач 4:16
Юнакоў бяруць да жорнаў, і падлеткі падаюць пад ношкамі дроў.
Старцы не сядзяць больш каля варотаў; хлапцы не сьпяваюць.
Аціхла радасьць сэрца нашага: карагоды нашыя ў енк абярнуліся.Ас 2:11
Упаў вянок з галавы нашай; гора нам, што мы зграшылі!Ер 13:18
Ад гэтага вось зьнемаглося нашае сэрца; ад гэтага нашыя вочы зацьміліся.Ер 13:16
Ад таго, што апусьцела гара Сіён, лісы ходзяць па ёй.
Ты, Госпадзе, жывеш вечна; трон твой - род у род.Пс 9:8
Дзеля чаго зусім забываеш нас, пакідаеш на доўгі час?Пс 12:2
Навярні нас да Цябе, Госпадзе, і мы навернемся; абнаві дні нашыя, як спрадвеку было.Ер 31:18
Няўжо ты зусім адкінуў нас, прагневаўся на нас бязь меры?