Пс Псалтыр, псалом Псалтыр, псалом 104
Слаўце Госпада; заклікайце імя Ягонае; абвяшчайце ў народах дзеі Ягоныя.1Пар 16:8; Іс 12:4
Сьпявайце Яму і грайце Яму; раскажэце пра ўсе цуды Ягоныя.Пс 70:17
Хвалецеся імем Ягоным сьвятым; хай цешыцца сэрца ў тых, хто шукае Госпада.Пс 33:4
Шукайце Госпада і сілы Ягонай, шукайце аблічча Ягонага заўсёды.
Згадвайце цуды Ягоныя, якія ўчыніў, азнакі Ягоныя і суд вуснаў Ягоных,
вы, семя Абрагамавае, рабы Ягоныя, сыны Якава, выбранцы Ягоныя.
Ён Гасподзь Бог наш; па ўсёй зямлі суды Ягоныя.
Вечна Ён памятае Свой запавет, слова, якое запавядаў тысячам родаў,Дзеі 7:5; Вых 2:24
якое запавядаў Абрагаму, і клятву сваю Ісааку,Быц 17:2; Быц 26:3; Лк 1:73; Габр 6:13
і паставіў тое Якаву законам, і Ізраілю запаветам вечным,Быц 13:15
кажучы: табе дам зямлю Ханаанскую як часьціну спадчыны вашай.
Калі іх было яшчэ лікам мала, вельмі мала, і былі яны прыхадні ў ёй,
і пераходзілі ад народу да народу, з царства да іншага племя,Быц 13:8; Габр 11:8
нікому не дазваляў крыўдзіць іх, і за іх цароў дакараў:Быц 12:17
«не дакранайцеся да памазанцаў Маіх, і прарокам Маім не рабеце зла».1Пар 16:22
І наклікаў голад на зямлю; кожнае хлебнае сьцябло паламаў.Быц 41:57
Паслаў перад імі чалавека: у рабы быў прададзены Язэп.Быц 37:28
Скавалі аковамі ногі яму, у жалеза ўвайшла душа ягоная,Быц 39:20
пакуль спраўдзілася слова Ягонае: слова Гасподняе выпрабавала яго.
Паслаў цар, і разьвязалі яго; уладар народаў, і вызваліў яго.Быц 41:14
Паставіў яго гаспадаром над домам сваім і ўпраўцам над усім валоданьнем сваім,Дзеі 7:10
каб ён настаўляў валадароў ягоных паводле сваёй душы і старэйшын ягоных вучыў мудрасьці.
Тады прыйшоў Ізраіль у Егіпет, і перасяліўся Якаў у зямлю Хамаву,Быц 46:6
і вельмі размножыў Бог народ Свой, і зрабіў яго мацнейшым за ворагаў ягоных.Вых 1:7; Дзеі 7:17
Абудзіў у сэрцы іхнім нянавісьць супроць народу Ягонага і хітрасьць супроць рабоў Ягоных.Вых 1:14
Паслаў Майсея, раба Свайго, Аарона, якога абраў.Вых 3:10
Яны паказалі сярод іх слова азнакаў Ягоных і дзівосы Ягоныя ў зямлі Хамавай.Вых 7:10
Паслаў цемру, і зрабіў морак, і не зрабілі супору слову Ягонаму.Вых 10:22
Ператварыў іхнюю ваду ў кроў, і замарыў рыбу іхнюю.Вых 7:20; Пс 77:44
Зямля іхняя ўрадзіла шмат жаб нават у спальні цароў іхніх.Вых 8:6
Ён сказаў, і прыйшлі розныя насякомыя, воды ва ўсе іхнія межы.Вых 8:17; Пс 77:45
Замест дажджу паслаў на іх град, вагонь пякучы на зямлю іхнюю.Вых 9:23
І пабіў вінаград іхні і смакоўніцы іхнія, і паваліў дрэвы ў межах іхніх.Вых 9:25; Пс 77:47
Сказаў, і прыйшла саранча, і безьліч вусеняў;Вых 10:13; Пс 77:46
і паелі ўсю траву на зямлі іхняй, і паелі плады на палях іхніх.
І забіў кожнага першынца ў зямлі іхняй, пачаткі ўсёй сілы іхняй.Вых 12:29; Пс 77:51
І вывеў іх з срэбрам і золатам, і ня было ў іхніх плямёнах хворага.Вых 12:35
Узрадаваўся Егіпет выхаду іхняму; бо страх ад іх напаў на яго.Вых 12:33
Прасьцёр ім хмару як заслону і вагонь, каб сьвяціў ім ноччу.Вых 13:21; Пс 77:14
Прасілі, і Ён паслаў перапёлак, і хлебам нябесным карміў іх.Вых 16:13
Раскалоў камень, і пацяклі воды, пацяклі ракою па мясьцінах сухіх,Вых 17:6; Лік 20:11; Пс 77:16; 1Кар 10:4
бо ўзгадаў Ён сьвятое слова Сваё да Абрагама, раба Свайго,Быц 22:16
і вывеў народ Свой у радасьці, выбранцаў Сваіх у весялосьці:Нав 3:1
і даў ім землі народаў, і перанялі яны працу людзкую,
каб трымаліся пастановаў Ягоных і законы Ягоныя захоўвалі. Алілуя!