Пс Псалтыр, псалом Псалтыр, псалом 150
Алілуя.
Хвалеце Бога ў сьвятыні Ягонай; хвалеце Яго на цьвердзі сілы Ягонай.Пс 105:1
Хвалеце Яго паводле магутнасьці Ягонай, хвалеце Яго паводле мноства велічы Ягонай.
Хвалеце Яго гукам трубным, хвалеце Яго на псалтыры і арфе.Пс 46:2
Хвалеце Яго тымпанам і танцам, хвалеце Яго струнамі і арганам.Пс 149:3
Хвалеце Яго гучнымі кімваламі, хвалеце Яго кімваламі гучнагалосымі.
Усё, што дыхае, хай славіць Госпада! Алілуя.Адкр 5:13