Пс Псалтыр, псалом Псалтыр, псалом 25
Псальма Давідава.
Рассудзі мяне, Госпадзе, бо хадзіў я ў беспахібнасьці маёй, і, у надзеі на Госпада не пахіснуся.
Выпрабуй мяне, Госпадзе, растапі мне вантробы і сэрца маё,Пс 7:10
бо міласьць Твая перад маімі вачыма, і ў праўдзе Тваёй я хадзіў,
не сядзеў я зь людзьмі аблуднымі і з падступнымі не пайду;Ёў 31:5
я зьненавідзеў зборню зламысьнікаў, і зь бязбожнікамі ня сяду;Пс 118:128
буду мець у нявіннасьці рукі мае і абыходзіць Твой ахвярнік, Госпадзе,Дрз 21:6; Пс 22:6; Пс 41:3
каб абвяшчаць Табе голасна славу і пра ўсе цуды Твае расказаць.
Госпадзе! палюбіў я жытло Твайго дома і месца, дзе слава Твая жыве.Лк 2:37; Пс 26:4
Не загубі душы мае з грэшнікамі і жыцьця майго з крыважэрнымі,
у чыіх руках ліхадзейства, і чыя правіца поўная зьдзірства.
А я хаджу ў сваёй беззаганнасьці; вызвалі мяне, і ўмілажалься зь мяне.
Нага мая стаіць на роўным; на сходах праслаўлю Госпада.Пс 21:23