Пс Псалтыр, псалом Псалтыр, псалом 57
Кіроўцу хору. Не загубі. Залатая псальма Давідава.
Няўжо-такі праўду вы кажаце, судзьдзі, няўжо справядліва судзіце, сыны чалавечыя?
Пакідаеце крыўды на сэрцы, кладзяце на вагі злачынствы рук вашых на зямлі.Выс 21:29
З нараджэньня свайго адступіліся вы, бязбожныя; ад улоньня маці сваёй заблудзіліся, кажучы ману.Пс 115:2
Яд у іх - нібыта яд зьмяіны, як атрута гадзюкі глухое, што вушы свае затуляеПс 139:4
і ня чуе голасу заклінача, самага спраўнага ў заклёнах.Іс 48:8
Божа! скрышы ім зубы ў іхніх вуснах; разьбі, Госпадзе, сківіцы львам!Пс 3:8
Няхай зьнікнуць, як вада цякучая; калі напнуць стрэлы, хай яны паламаюцца.Ер 17:11
Няхай счэзнуць, як сьлімак, які ў сьлізі сваёй распускаецца; няхай сонца ня бачаць, як скідзень у жанчыны.Ёў 3:16; Экл 6:10
Пакуль гаршкі вашы пачуюць распалены цёрн, - няхай вецер яго разьнясе, ці сьвежае, а ці спаленае!2Цар 23:6; Езк 2:6
А праведны ўсьцешыцца; помсту пабачыўшы, у крыві бязбожнага ступакі ён абмые!Адкр 14:20
І скажа чалавек: «Сапраўды ёсьць плод справядліваму! Сапраўды ёсьць Бог - судзьдзя на зямлі!»Экл 3:17; Ер 9:24