Пс Псалтыр, псалом Псалтыр, псалом 65
Клікніце Богу, уся зямля.
Сьпявайце славу імю Ягонаму; гонар славе Ягонай, хвала Яму.Пс 99:1
Скажэце Богу: грозны Ты ў дзеях Тваіх! У вялікай сіле Тваёй упакорацца Табе ворагі Твае.Дрз 33:29
Хай паклоніцца Табе ўся зямля і сьпявае Табе, хай сьпявае імю Твайму, Усявышні!
Прыйдзеце і гляньце на дзеі Бога, грознага ў дзеях супроць сыноў чалавечых.Пс 45:9
Ён мора ў сушу ператварыў: раку перайшлі нагамі; там радасьць была нам у Ім.Вых 14:21; Нав 3:16
Магутнасьцю Сваёю ўладарыць Ён вечна; вочы Ягоныя глядзяць на народы, хай ня ўзносяцца бунтаўшчыкі.
Дабраславеце, народы, Бога нашага і ўзнясеце славу Яму.
Ён жыцьцё захаваў душы нашай, і назе нашай ня даў пахіснуцца.
Ты нас выпрабаваў, Божа, ператапіў нас, як топяць срэбра.1Пётр 1:7; 1Пётр 4:12; Езк 22:21
Ты ўвёў нас у сетку, аковы паклаў нам на сьцёгны нашыя,
пасадзіў чалавека на галаву нам. Мы ўвайшлі ў вагонь і ў ваду, і Ты вывеў нас на волю.Іс 43:2; Дан 3:17
Увайду ў дом Твой з цэласпаленьнямі, аддам Табе зарукі мае,
якія вымавілі вусны мае і сказаў язык мой у скрусе маёй.
Цэласпаленьні тлустыя прынясу я Табе, з дымам ахвярным з авечага лою; ахвярую валоў і казлоў.
Прыйдзеце, паслухайце ўсе, богабаязныя, і я абвяшчу вам, што стварыў Ён душы маёй.
Я паклікаў Яго вуснамі маімі і ўславіў Яго языком маім.
Калі б угледзеў я беззаконьне ў сэрцы маім, дык не пачуў бы мяне Гасподзь.Выс 15:29; Выс 28:9
Але Бог пачуў, уважыў голасу маленьня майго.
Дабраславёны Бог, Які не адкінуў малітвы маёй і не адвярнуў ад мяне ласкі Свае.