Пс Псалтыр, псалом Псалтыр, псалом 87
Песьня. Псальма. Сыноў Карэевых. Кіроўцу хору на Махалат, для сьпяваньня. Вучэньне Этана Эзрахіта.1Пар 25:5
Госпадзе, Божа ратунку майго! удзень лямантую і ўначы прад Табою.
Хай дойдзе малітва мая прад аблічча Тваё; нахілі вуха Тваё да маленьня майго.
Бо душа мая насыцілася немарасьцямі, і жыцьцё маё наблізілася да апраметнай.
Я дараўнаўся да тых, што ў магілу сыходзяць; я стаў, як чалавек бязь сілы,Пс 27:1; Плач 3:6
паміж мёртвымі кінуты, - як забітыя, што ляжаць у магіле, пра якіх Ты больш не ўспамінаеш і якія ад рукі Тваёй адкінутыя.Ёў 10:21
Ты паклаў мяне ў дол апраметны, у морак, у бездань.
Легла на мяне лютасьць Твая, і ўсімі хвалямі Тваімі Ты пабіў мяне.
Ты адвёў ад мяне знаёмых маіх, зрабіў мяне агідным для іх; я ўвязьнены і не магу выйсьці.Ёў 30:10; Пс 30:12; Пс 37:12
Вока маё ад гароты стамілася; цэлы дзень я клікаў Цябе, Госпадзе; працягваў рукі свае да Цябе.
Хіба над мёртвымі ўчыніш Ты цуд? Хіба мёртвыя ўстануць і будуць славіць Цябе?Пс 6:6
Альбо ў магіле будзе абвяшчацца ласка Твая, і праўда Твая - у месцы тленьня?
Хіба ж у мораку спазнаюцца дзівосы Твае, і ў зямлі забыцьця - праўда Твая?Ёў 10:21
але я Цябе, Госпадзе, клічу, і рана раніцай малітва мая сустракае Цябе.
Навошта, Госпадзе, адкідаеш душу маю, хаваеш аблічча Тваё ад мяне?
Я няшчасны і парахнею зь дзяцінства; нясу жахі Твае, і зьнемагаю.Ёў 19:7
Над мною прайшла лютасьць Твая; страхоцьці Твае зламалі мяне,
кожны дзень абступаюць мяне, як вада: аблягаюць мяне ўсе разам.Пс 21:13
Ты аддаліў ад мяне сябра і блізкага; знаёмых маіх ня відаць.