Пс Псалтыр, псалом Псалтыр, псалом 9
Кіроўцу хору. Пасьля сьмерці Лабэна. Псальма Давідава.
Славіць буду Цябе, Госпадзе, усім сэрцам маім, абвяшчаць пра ўсе цуды Твае,
я буду радавацца, весяліцца, імя Тваё апяваць, Усявышні.Пс 30:8
Як павернуць назад мае ворагі, - спатыкнуцца й загінуць прад абліччам Тваім,
бо Ты вёў мой суд і маю цяжбіну; Ты сеў на троне, Судзьдзя справядлівы.
Ты абурыўся на народы, бязбожнага зьнішчыў, сьцёр іх імёны навечна.2Цар 22:15; Пс 33:17; Выс 10:7
У ворага зброі ня стала зусім, і гарады Ты разбурыў; загінула зь імі памяць пра іх.
А Гасподзь жыве вечна; Ён трон Свой на суд падрыхтаваў,
і Ён будзе судзіць сьвет па праўдзе, па справядлівасьці суд над народамі ўчыніць.Пс 95:13; Дзеі 17:31
І будзе Гасподзь прытулкам прыгнечанаму, прытулкам у скрушлівы час;Пс 31:7
І спадзявацьмуцца на Цябе тыя, што ведаюць імя Тваё, бо Ты не пакідаеш тых, што шукаюць Цябе, Госпадзе.
Сьпявайце Госпаду, Які жыве на Сіёне, абвяшчайце ў народах дзеі Ягоныя,
бо Ён спаганяе за кроў; памятае іх, не забывае енку прыгнечаных.Быц 4:9; Дрз 32:43
Умілажалься зь мяне, Госпадзе; глянь на цярпеньні мае ад ненавісьнікаў маіх, - Ты, Які ўзносіш мяне над брамаю сьмерці,
каб я абвяшчаў усю славу Тваю ў браме дачкі Сіёна: буду радавацца з майго ратаваньня Табою.
Народы пападалі ў яму, якую выкапалі; у сетку, якую схавалі яны, ублыталі ногі свае.Пс 7:16
Гасподзь быў спазнаны праз суд, які Ён учыніў; бязбожнік злоўлены дзеямі рук сваіх.
Хай шыбуюць бязбожнікі ў пекла, - усе народы, што забываюць Бога,
бо не назаўсёды забудзецца ўбогі, і надзея ўбогіх не назаўсёды загіне.Пс 33:7
Паўстань, Госпадзе, хай чалавек не адужае, хай народы судзяцца прад абліччам Тваім.
Навядзі, Госпадзе, страху на іх; хай знаюць народы, што людзі яны.Іс 31:3