Рым Рымлянам, раздзел Пасланне да Рымлян, раздзел 10
Браты! упадабаньне майго сэрца і малітва да Бога за Ізраіля на збавеньне.
Бо сьведчу ім, што маюць руплівасьць Божую, а не паводле розуму.
Бо, не разумеючы Божай праведнасьці і імкнучыся паставіць сваю праведнасьць, яны не скарыліся праведнасьці Божай;Флп 3:9
бо канец закона - Хрыстос, дзеля праведнасьці кожнаму веруючаму.Гал 3:24
Майсей піша пра праведнасьць ад закона: «чалавек, які яго выконвае, жыць будзе ім».Ляв 18:5; Езк 20:11; Гал 3:12
А праведнасьць ад веры так кажа: «не кажы ў сэрцы тваім: хто ўзыдзе на неба?» - каб Хрыста зьвесьці;Дрз 30:12
альбо: «хто сыдзе ў бездань?» - каб Хрыста зь мёртвых узьвесьці.
А што кажа Пісаньне? «Блізка да цябе слова, у вуснах тваіх і ў сэрцы тваім» - слова веры, якое прапаведуем.Дрз 30:14
Бо калі вуснамі тваімі будзеш вызнаваць Ісуса за Госпада і сэрцам тваім верыць, што Бог уваскрэсіў Яго зь мёртвых, ты выратуешся;Мц 10:32
бо сэрцам вераць дзеля праведнасьці, а вуснамі вызнаюць на збавеньне.
Бо Пісаньне кажа: «кожны, хто верыць у Яго, не пасаромлены будзе».Іс 28:16
Тут няма розьніцы паміж Юдэем і Элінам, бо адзін Гасподзь ва ўсіх, шчодры да ўсіх, хто Яго заклікае.Дзеі 10:34; Рым 3:29
Бо «кожны, хто пакліча імя Госпада, уратуецца».Ёіл 2:32; Дзеі 2:21
Але як паклікаць Таго, у Каго ня ўверавалі? як верыць у Таго, пра Каго ня чулі? як пачуць без прапаведніка?
І як прапаведаваць, калі ня будзе пасланых? як напісана: «якія прыгожыя ногі ў вястуноў міру, вястуноў добрай весткі!»Іс 52:7; Нау 1:15
Але ня ўсе паслухаліся зьвеставаньня. Бо Ісая кажа: «Госпадзе! хто паверыў пачутаму ад нас?»Іс 53:1; Ян 12:38
Такім чынам, вера ад слуханьня, а слуханьне - ад слова Божага.
Але пытаюся: хіба яны ня чулі? Наадварот, «па ўсёй зямлі прайшоў голас іхні, і да межаў сусьвету іхнія словы».Пс 18:5; Мц 24:14; Мц 28:19
Яшчэ пытаюся: хіба Ізраіль ня ведаў? Першы кажа Майсей: «Я ўзбуджу ў вас рупнасьць не народам, раздражню вас народам бязглуздым».Дрз 32:21; Рым 11:11
А Ісая сьмела маўляе: «Мяне знайшлі тыя, хто ня шукаў Мяне, Я адкрыўся тым, хто ня пытаўся пра Мяне».Іс 65:1
А пра Ізраіля кажа: «цэлы дзень Я працягваў рукі Мае да люду няслухмянага і ўпарцістага».Іс 65:2