Песн Песня песняў, раздзел Кніга песні песняў Саламона, раздзел 1
Няхай вусны яго мяне пацалуюць! Бо лепшыя за віно твае ласкі.Эф 5:32; Песн 4:10
Ад водару мазяў тваіх імя тваё - як разьлітае міра; таму і дзяўчаты цябе кахаюць.Пс 44:8
Надзь мяне! Мы пабяжым за табою; - цар мяне ўвёў у харомы свае! Радавацца і весяліцца будзем з табою; - больш за віно будзем славіць пяшчоты; цябе годнасна любяць!Пс 44:9
Ерусалімскія дочкі! Чорная я, прыгажуня сабою, нібы намёты Кідара ці полагі Саламонавыя.Пс 44:14; Пс 119:5
Не зважайце на смугласьць маю; гэта сонца мяне апаліла: сыны маёй маці ўгневаліся на мяне, - вінаграднікі вартаваць мне казалі, - свайго вінаградніка я не ўпільнавала.Адкр 7:16
Ты скажы, каханьне маёй душы, дзе ты пасьвіш? дзе апоўдні ты адпачываеш? навошта бадзяцца мне каля статкаў сяброў тваіх?Песн 3:1; Ян 1:41; Песн 5:9
Калі гэтага ты ня знаеш, найпрыгажэйшая краска-дзяўчына, дык ідзі па авечых сьлядах і пасьві свае казьляняткі каля буданоў пастушыных.
З кабыліцаю з фараонавай калясьніцы параўнаў я цябе, каханая.3Цар 10:28; Песн 2:2; Ян 15:14
Прыгожыя шчокі твае пад падвескамі, шыю тваю аздабляюць каралькі;Езк 16:11
зробім табе залатыя падвескі са срэбнымі іскрамі.
Пакуль цар за сталом весяліўся, мой народ разьліваў пахошчы.
Мне мой мілы - як ладанка зь мірай; начуе ў мяне на грудзях,
мне мой мілы - як скрыпеню гронка ў мяне ў вінаградніках Эн-гэдзі.Ян 15:1; 1Цар 24:1
Якая прыгожая ты, каханая! якая прыгожая ты! Твае вочы - дзьве галубіцы!Песн 4:1
Які ты прыгожы, мой любы, які ты ласкавы, і ложак наш - зелень;
стрэхі дамоў нашых - кедры, столі іх - кіпарысы.