ПсPsa ПсалтырŽalmy, псаломžalm ПсалтырKniha žalmů, псаломžalm 80

Překlady Porovnat

Кіраўніку хору: на лад: “Лілея сьведчаньня”. Псальм Асафа.

Пастыру Ізраіля, прыхілі вуха! Ты, Які, як авечкі, водзіш Язэпа, Які на херувімах сядаеш, зазьзяй!Пс 77:21

Перад абліччам Эфраіма, і Бэн’яміна, і Манасы абудзі магутнасьць Тваю і прыйдзі збавіць нас!Іс 7:2

Божа, вярні нас назад. Асьвяці нас абліччам Тваім, і будзем збаўленыя!Пс 31:17

ГОСПАДЗЕ, Божа Магуцьцяў, дакуль Ты будзеш у гневе пры малітве народу Твайго?

Ты накарміў іх хлебам сьлёзаў і шчодра сьлязьмі напаіў іх.3Цар 22:27; Пс 102:10

Ты паставіў нас як [костку] нязгоды дзеля суседзяў нашых, і ворагі нашыя кпяць з нас.Пс 44:14

Божа Магуцьцяў, вярні нас назад. Асьвяці нас абліччам Тваім, і будзем збаўленыя!

Ты вінаградную лазу вынес з Эгіпту, выгнаў народы і яе пасадзіў.Пс 44:3

Ты расчысьціў [месца] перад абліччам яе, і ўкараніў карані ейныя, і яна напоўніла зямлю.

Горы пакрыліся ценем яе, і вецьце яе — як кедры Божыя.

Яна пусьціла галіны свае аж да мора, і парасткі свае — да ракі.Вых 23:31

Чаму Ты раскідаў агароджу ейную, і кожны, хто ідзе дарогаю, абрывае яе?Іс 5:5

Дзік лясны падкопвае яе, і зьвер палявы пасьвіцца ў ёй.4Цар 17:6; 4Цар 25:1; Пс 68:31

Божа Магуцьцяў, павярніся [да нас], зірні з неба, і паглядзі, і наведай вінаградную лазу гэтую!

Захавай тое, што правіца Твая пасадзіла, і парасткі, якія Ты для Сябе ўмацаваў.

Яны спалены агнём і пасечаны, і гінуць ад гневу аблічча Твайго.

Няхай рука Твая будзе над мужам правіцы Тваёй, над сынам чалавечым, якога Ты ўмацаваў для Сябе!

А мы не адступімся ад Цябе; ажыві нас, і мы будзем клікаць імя Тваё.

ГОСПАДЗЕ, Божа Магуцьцяў, вярні нас назад. Асьвяці нас абліччам Тваім, і будзем збаўленыя!