Pro Mga Panultihon, kapitulo Ang Libro sa Mga Panultihon, kapitulo 25
Ang Uban pang mga Panultihon ni Solomon
Ania pa gayod ang uban pang mga panultihon ni Solomon nga gikopya sa mga tawo ni Ezequias nga hari sa Juda:
Ginapasidunggan nato ang Dios tungod sa mga butang
nga wala niya ipadayag kanato;
apan ginapasidunggan nato ang mga hari
tungod sa mga butang nga ilang gipadayag kanato.Deu 29:29; Rom 11:33
Maingon nga dili masukod kon unsa kataas ang langit ug unsa kalawom ang yuta,
dili usab matugkad ang huna-huna sa mga hari.Pro 20:5
Kinahanglan nga kuhaon una ang mga nakasagol sa plata
ayha pormahon sa platero.
Kinahanglan palayason ang daotang mga katawhan25:5 mga katawhan: o mga opisyal; o mga magtatambag. sa hari
aron motunhay ang pagkamatarong sa iyang gingharian.Pro 20:8
Kon anaa ka sa atubangan sa hari,
ayaw isipa imong kaugalingon nga mura ka na ug si kinsa,
ug ayaw paglingkod uban sa mga dungganon.
Kay mas maayo nga ang hari maoy mopalingkod kanimo
kaysa iya kang papahawaon ug maulawan ka atubangan sa mga dungganon.Luk 14:9
Ayaw pagdali-dalig sugilon sa korte bahin sa imong nakita,
kay unsa na lang kahay imong buhaton
kon mapamatud-an sa usa ka saksi nga sayop ka!
Kon aduna kamoy panagbangi sa imong higala,
husaya kini nga kamo-kamo ra
ug ayaw ipanugilon ang inyong mga sekreto,
kay kon masayran na kini sa uban, basin maulawan kamo,
ug madaot ang inyong dungog hangtod sa hangtod.
Ang pagsulti sa hustong mga pulong sa tukmang panahon
nahisama kaanindot sa bulawan
nga mga mansanas diha sa sudlanan nga pilak.
Ang pagbadlong sa tawong maalamon mas bililhon pa sa alahas
nga bulawan alang sa tawo nga mamati niini.
Ang kasaligan nga mensahero makapagaan sa gibati sa nagsugo kaniya,
sama sa bugnaw nga tubig panahon sa ting-init.
Ang tawo nga wala nagtuman sa iyang saad
sama sa dag-om ug hangin nga walay dalang ulan.Jas 2:16
Ang pagpailob ug ang malumong sinultihan makakumbinse sa mga pangulo
ug bisan sa mga gahi ug kasing-kasing.Pro 15:1
Ayaw pagpalabig kaon ug dugos
kay tingalig mosuka ka.Pro 24:13
Ayaw pagsige ug pamisita sa imong silingan,
kay tingalig mapul-an siya ug maglagot na hinuon kanimo.
Ang tawo nga nagsaksi ug bakak sa iyang isigka-tawo
makapasakit nga daw sa espada, bunal, ug pana.Psa 59:7
Ang pagsalig sa tawong dili masaligan sa panahon sa kalisod walay kapuslanan
sama sa daot nga ngipon o bali nga tiil.
Kon awitan mo sa masadya nga awit ang tawong anaa sa labihan nga kalisod,
sama rag gihuboan mo siya ug bisti panahon sa tingtugnaw
o gibutangan mo ug suka ang iyang samad.
Kon ang imong kaaway gigutom, pakan-a;
kon giuhaw, paimna.
Kay kon buhaton mo kini maulaw siya sa iyang gihimo kanimo,25:22 maulaw siya sa iyang gihimo kanimo: sa literal, nagtapok ka ug baga sa iyang ulo.
ug ang Ginoo magbalos kanimo.Rom 12:20; 1Sa 24:19
Maingon nga ang hanging habagat magdalag ulan,
ang tabi-tabi magdala usab ug kasuko.
Mas maayo pang magpuyo sa atop sa balay25:24 atop sa balay: tan-awa usab ang Pan. 21:9.
kaysa magpuyo sulod sa balay uban sa asawa nga palaaway.Pro 21:9
Ang maayong balita nga gikan sa layong dapit
sama sa mabugnaw nga tubig nga makapatagbaw sa tawong giuhaw.Pro 15:30
Ang tawong matarong nga magpahiuyon sa tawong daotan
sama sa lubog nga tuboran o sa hugaw nga atabay.
Dili maayo ang sobra nga pagkaon ug dugos,
mao usab ang pagtinguha nga dayegon ka kanunay sa mga tawo.Pro 25:16; Rom 12:3
Ang tawo nga dili makapugong sa iyang kaugalingon daling mapukan
sama siya sa usa ka siyudad nga walay paril.