Psa Mga Salmo, salmo Ang Libro sa Mga Salmo, salmo 33
Kamong mga nagkinabuhing matarong,
pagmaya kamo tungod sa gihimo sa Ginoo kaninyo!
Angay gayod ninyo siya nga dayegon!Psa 32:11; Psa 147:1
Dayega ninyo ang Ginoo inubanan sa tugtog sa harpa.
Tukari ninyo ang Ginoo ginamit ang uban pang mga instrumento nga adunay mga kuwerdas.Psa 92:3
Awiti ninyo siya ug bag-ong awit;
gamita ang inyong kahanas sa pagtukar ug panghugyaw kamo sa kalipay.Psa 40:3; Isa 42:10; Rev 5:9
Kay ang pulong sa Ginoo tinuod,
ug kasaligan ang tanan niyang gihimo.
Gihigugma sa Ginoo ang katarong ug hustisya33:5 hustisya: sa Hebreo, shaphat. Ang buot ipasabot niini nga pulong, maghimo ug maayo sa mga kabos ug timawa..
Makita sa tibuok kalibotan ang iyang gugma.
Pinaagi sa pulong sa Ginoo, nahimo ang kalangitan:
ang adlaw, ang bulan, ug ang mga bitoon.Gen 1:6; Jhn 1:3
Gitigom niya ang tubig sa dagat nga daw gisulod kini
sa usa ka dakong pundohanan.Job 38:8; Jer 5:22
Ang tanang mga tawo sa kalibotan angay nga motahod sa Ginoo.
Kay sa pagsulti niya, nabuhat ang kalibotan.
Nagmando siya ug nahimo ang tanan.Gen 1:3
Babagan sa Ginoo ang mga plano sa mga nasod.
Dili niya itugot nga magmalampuson ang ilang mga katuyoan.Job 5:12
Apan mga plano sa Ginoo magpadayon sa walay kataposan;
ang iyang mga katuyoan magpabilin hangtod sa kahangtoran.Pro 19:21; Isa 46:4
Bulahan ang nasod nga ang ilang Dios mao ang Ginoo.
Bulahan ang katawhan nga gipili sa Ginoo nga mahimong iya.Psa 65:4; Psa 144:15
Gikan sa langit, nagdungaw ang Ginoo,
ug makita niya ang tanang mga tawo.2Ch 16:9; Job 28:24
Gikan sa iyang gipuy-an ginatan-aw niya
ang tanang nagpuyo sa kalibotan.
Siya ang naghatag sa huna-huna sa tanang mga tawo,
ug nahibaloan niya ang tanan nilang ginahimo.
Ang usa ka hari dili magmadaogon sa gira
tungod lang sa kadaghan sa iyang mga sundalo.
Ang usa ka sundalo dili makalingkawas sa gira
tungod lang sa iyang pagkakusgan.
Ang mga kabayo dili kasigurohan nga makapadaog sa gira.
Ang ilang pagkakusgan dili makaluwas.Pro 21:31
Nagbantay ang Ginoo sa mga nagtahod kaniya,
ug sa mga nagsalig sa iyang gugma.Job 36:7; Psa 34:15; 1Pe 3:12
Siya ang nagluwas kanila gikan sa kamatayon
ug nagtipig sa ilang mga kinabuhi sa panahon sa tinggutom.
Naglaom kita sa Ginoo.
Siya ang motabang ug manalipod kanato.33:20 manalipod kanato: sa literal, among taming.
Naglipay kita tungod kaniya
kay nagsalig kita kaniya nga balaang Dios.33:21 kaniya nga balaang Dios: sa literal, sa iyang balaang ngalan.Isa 66:14
Ginoo, hinaut nga ang imong gugma magpabilin kanamo
kay nagsalig kami kanimo.