Пс Псалтыр, псалом Псалтыр, псалом 32
Псальма Давідава.
Радуйцеся, праведнікі, у Госпадзе: шчырым прыстоіць хваліць!Пс 31:11; Пс 146:1
Услаўляйце Госпада арфамі, сьпявайце Яму на дзесяціструннай псалтыры;Пс 91:4
новую песьню сьпявайце Яму; зладжана пойце Яму, з ускліцаньнем,Пс 39:4; Іс 42:10; Адкр 5:9
бо слова Гасподняе - шчырае, і ўсе дзеі Ягоныя правільныя.
Ён любіць праўду і суд; Гасподняю міласьцю зямля поўніцца.
Словам Госпада створаны нябёсы, і духам вуснаў Ягоных - усе сілы нябесныя.Быц 1:6; Ян 1:3
Ён сабраў, быццам груды, марскія воды; бездані склаў у каморах.Ёў 38:8; Ер 5:22
Хай баіцца Госпада ўся зямля; хай трымціць прад Ім усё жывое на сьвеце,
бо сказаў Ён - і сталася; Ён загадаў - і зьявілася.Быц 1:3
Гасподзь разбурае рады язычнікаў; зьнішчае намыслы народаў.Ёў 5:12
А рада Гасподняя вечна стаяцьме; задумы сэрца Ягонага - з роду ў род.Выс 19:21; Іс 46:4
Дабрашчасны народ, у якога Гасподзь ёсьць Бог, - племя, якое Ён выбраў у спадчыну Сабе.Пс 64:5; Пс 143:15
Гасподзь паглядае зь нябёсаў, бачыць усіх сыноў чалавечых;2Пар 16:9; Ёў 28:24
з трона Свайго Ён пазірае на ўсіх, што жывуць на зямлі:
Ён стварыў сэрцы ўсіх іх, і ўважае ўсім іхнім дзеям.
Цар не ўратуецца мноствам войска; не ўбароніць волата вялікая сіла.
Ненадзейны конь для ратаваньня, ня вызваліць сілай вялікай сваёю.Выс 21:31
Вось, вока Гасподняе над тымі, хто баіцца Яго, і хто спадзяецца на літасьць Ягоную,Ёў 36:7; Пс 33:16; 1Пётр 3:12
што Ён душу іхнюю ўратуе ад сьмерці і ў час галодны накорміць іх.
Душа наша мае надзею на Госпада: Ён дапамога наша;
Ім радуецца сэрца наша, бо на сьвятое імя Ягонае мы спадзяваліся.Іс 66:14
Хай будзе ласка Твая, Госпадзе, з намі, мы так на Цябе надзею ўскладаем.