Psa Mga Salmo, salmo Ang Libro sa Mga Salmo, salmo 73
Ikatulong Libro
Sal. 73–89
Ang awit ni Asaf.
Maayo gayod ang Dios sa Israel,
labi na gayod sa mga putli ug kasing-kasing.Psa 64:8; Mat 5:8; Jhn 1:47
Apan ako,
hapit na mawad-ig pagtuo,
kay nasina ako sa garboso ug daotang mga tawo
sa dihang nakita ko nga nagmauswagon sila.Psa 37:1; Job 21:7; Jer 12:1
Himsog ang ilang panglawas
ug dili sakit ang ilang kamatayon.
Wala sila mag-antos ug walay mga katalagman
nga moabot kanila sama sa ubang mga tawo.
Busa gipakita nila ang ilang pagkagarboso
ug pagkabangis.73:6 gipakita…pagkabangis: sa literal, nanguwintas sila ug garbo ug nagsul-ob ug kabangis.
Ang ilang mga kasing-kasing puno sa kadaotan,
ug ang kanunay lang nilang gihuna-huna mao
ang paghimo ug daotan.Job 15:27
Mobiay-biay sila ug mosultig daotan.
Mapasigarbohon kaayo silang nanghulga
sa pagdaog-daog sa uban.
Nagsulti sila ug daotan batok sa Dios sa langit
ug sa mga tawo sa kalibotan.
Bisan ang katawhan sa Dios mosunod kanila
ug modawat sa ilang gipanulti.
Moingon sila,
“Walay kalibotan ang Labing Halangdong Dios!
Unsaon niya pagkahibalo?”Psa 10:11; Psa 94:7
Ingon niana ang mga daotan,
walay kabalaka ug mosamot pa gayod kadato.
Busa wala ba diay kapuslanan ang pagkinabuhi ko
nga matarong ug putli?Mal 3:14; Job 9:30
Kanunay mo akong gipaantos, O Dios;
halos kada buntag gisilotan mo ako.
Kon gibugal-bugalan ko man ikaw sama
sa gisulti sa mga daotan,
murag giluiban ko na niana ang imong katawhan.
Apan sa dihang naninguha ako
sa pagsabot niining mga butanga,
nalisdan ako,
hangtod nga miadto ako sa imong balaang puloy-anan,
ug didto nasabtan ko kon unsa
ang mahitabo sa mga daotan.
Tinuod gayod nga gibutang mo sila
sa walay kasigurohan nga kahimtang,
ug laglagon mo sila.Job 21:16; Pro 14:32
Kalit lang silang malaglag;
modangat kanilang tanan
ang makalilisang nga kamatayon.Job 21:30; Psa 52:5
Sama sila sa damgo nga mahanaw ra inigmata, O Ginoo.
Dili na sila mahinumdoman pa kon masilotan mo na sila.Job 21:17; Isa 29:7
Sa dihang nasilo ako ug nasakitan sa hilabihan,
nahimo akong usa ka hungog;
nahisama ako sa usa ka hayop sa imong atubangan nga dili makasabot.Jhn 12:16
Apan uban gihapon ako kanimo ug giagak mo ako.Jhn 6:68
Gigiyahan mo ako pinaagi sa imong mga tambag,
ug sa kaulahian pasidunggan mo ako.
Wala nay lain pa sa langit
nga akong gikinahanglan kondili ikaw lang.
Tungod kay ikaw ania kanako,
wala na akoy lain pang gihandom sa kalibotan.Psa 16:5; Jhn 4:14
Magmaluya man ang akong lawas ug huna-huna,
apan ikaw gihapon, O Dios, mao ang akong kusog.
Ikaw lang gayod
ang akong gikinahanglan hangtod sa kahangtoran.Lam 3:24
Sigurado gayod nga mangawala
ang mga tawo nga mobiya kanimo;
laglagon mo kadtong wala magmatinumanon kanimo.Jer 17:13; Hos 7:13
Apan alang kanako,
maayo ang magpaduol kanimo, O Dios.
Ikaw Ginoong Dios ang gihimo ko
nga akong tigpanalipod,
ug isaysay ko ang tanan mong binuhatan.Jas 4:8