Пс Псалтыр, псалом Псалтыр, псалом 72
Псальма Асафава.
Які добры Бог да Ізраіля, да чыстых сэрцам!Пс 63:9; Мц 5:8; Ян 1:47
А я - ледзь ногі мае не пахіснуліся, ледзь падэшвы мае не пакаўзнуліся, -
я быў ліхім пазайздросьціў, як пабачыў дабрадзенства бязбожных,Пс 36:1; Ёў 21:7; Ер 12:1
бо няма ім цярпеньняў да самае сьмерці, і сіла моцная ў іх;
на працы людзкой іх няма, і разам зь людзьмі яны ўціску ня знаюць.
Вось таму іхняя пыха, як нашыйнік, абклала іх, і дзёрзкасьць, як убор, аблягае іх;
вылазяць ім вочы ад тлушчу, жаданьні ў сэрцы іхнім варушацца,Ёў 15:27
сьмяюцца яны з усяго; зласьліва паклёпы наводзяць; ганарыста гавораць;
вусны свае ўзносяць да неба, - а іхні язык па зямлі валачэцца.
Таму туды ж зьвяртаецца народ ягоны, і п'юць ваду поўнаю чараю
і кажуць: «як уведае Бог? і ці мае Ўсявышні веданьне?»Пс 9:32; Пс 93:7
І вось гэтыя грэшнікі песьцяцца на гэтым сьвеце і памнажаюць багацьце.
І сказаў я: ці ж не дарма ачышчаў я сэрца маё і ў нянавісьці абмываў мае рукі,Мал 3:14; Ёў 9:30
і ўвесь дзень я цярплю ўдары, і кожнае раніцы кару прымаю?
Калі б я сказаў: буду так разважаць, як яны, - дык здрадзіў бы роду сыноў Тваіх.
І задумаўся я, як зразумець гэта; але цяжка яно ў вачах маіх,
пакуль не ўвайшоў я ў сьвятыню Божую, і не зразумеў іхняга канца.
Так! на коўзкіх шляхах паставіў Ты іх, і скідаеш іх у прорвішчы.Ёў 21:16; Выс 14:32
Як зьнянацку яны ўвайшлі ў спусташэньне, згінулі, зьніклі ад жахаў!Ёў 21:30; Пс 51:7
Як сном пасьля абуджэньня, так Ты, Госпадзе, іх разбудзіўшы, зьнішчыш іхнія мроі.Ёў 21:17; Іс 29:7
Калі кіпела сэрца маё і трымцела нутрына мая,
быў я тады неразумны, нічога ня цяміў; як быдла быў я прад Табою.Ян 12:16
Але заўжды я з Табою; Ты трымаеш мяне за правую руку:Ян 6:68
Ты вядзеш мяне паводле радаў Тваіх, і потым у славу прымаеш мяне.
Хто мне на небе? і з Табою нічога не хачу на зямлі.Пс 15:5; Ян 4:14
Зьнемагае цела маё і сэрца маё; Бог - цьвярдыня сэрца майго і частка мая навечна,Плач 3:24
бо вось гінуць усе, хто збочвае ад Цябе; Ты нішчыш кожнага, хто ад Цябе адступаецца.Ер 17:13; Ас 7:13
А мне добра набліжацца да Бога! На Госпада Бога паклаў я надзею маю, каб абвяшчаць усе дзеі Твае!Як 4:8