Psa Mga Salmo, salmo Ang Libro sa Mga Salmo, salmo 83
Ang awit ni Asaf.
O Dios, ayaw pagpakahilom. Lihok!Psa 109:1
Tan-awa ang imong mga kaaway,
gakaguliyang sila ug nagpasigarbo nga modaog sila.
Nagplano sila sa tago batok sa katawhan nga imong gipanalipdan.Mat 26:4
Miingon sila, “Dali kamo! Laglagon ta ang nasod sa Israel
aron dili na kini mahinumdoman hangtod sa kahangtoran.”Jer 11:19; Act 14:5
Nagkauyon sila sa ilang daotang plano.
Naghimo silag kasabotan batok kanimo.
Sila mao ang mga Edomihanon,
Ishmaelinhon, Moabihanon, Hagarnon,
Gebalihanon, Amonihanon, Amalekanhon,
Filistihanon, ug ang katawhan sa Tiro.Ezk 27:9
Miapil usab kanila ang Asiria
nga usa ka lig-ong kaabin
sa mga kaliwat ni Lot83:8 mga kaliwat ni Lot: tingali mao ang mga Moabihanon ug mga Amonihanon..Gen 19:37
Pildiha sila, Ginoo, sama sa imong gihimo sa mga Midianhon,
ug kang Sisera ug kang Jabin didto sa Yuta sa Kishon.Jdg 4:15
Nangamatay sila sa Endor
ug ang ilang mga patayng lawas nangadunot sa yuta.
Laglaga ang ilang mga pangulo sama sa imong gihimo
kang Oreb, kang Zeeb, kang Zeba,
ug kang Zalmuna.Jdg 7:25; Jdg 8:12; Jdg 8:21
Miingon sila, “Angkonon nato
ang yuta sa Dios.”
O Dios ko, kataga sila sama sa abog
o sa tahop nga gipalid sa hangin.Isa 17:13; Psa 1:4
Sama sa kalayo nga molamoy
sa mga kakahoyan sa bukid,
gukda sila ug hadloka sa imong hangin ug bagyo.
Pakaulawi sila, Ginoo,
hangtod nga modangop sila kanimo.Psa 70:2
Hinaut pa nga maulawan sila
ug malisang sa walay kataposan.
Hinaut pa nga mamatay sila sa tumang kaulaw!
Hinaut pa nga makaamgo sila nga ikaw, Ginoo,
mao lang ang Labing Halangdong Dios sa tibuok kalibotan.Exo 14:4; Exo 15:3