2Кар 2 Карынфянам, раздзел Другое пасланне да Карынфян, раздзел 4
Вось чаму, маючы зь міласьці Божай такое служэньне, мы не маркоцімся;
але, адкінуўшы тайныя ганебныя справы, ня хітруючы і не скажаючы слова Божага, а адкрываючы праўду, аддаём сябе сумленьню кожнага чалавека перад Богам.Дзеі 23:9; 2Кар 2:17
Калі ж і заслонена зьвеставаньне наша, дык заслонена тым, якія гінуць,1Кар 1:18
нявернікам, якім бог веку гэтага зацьміў розум, каб ім ня зьзяла сьвятло зьвеставаньня пра славу Хрыста, Які ёсьць вобраз Бога нябачнага.Ян 14:9; Кал 1:15; Габр 1:3
Бо мы не сябе прапаведуем, а Хрыста Ісуса, Госпада; а мы - нявольнікі вашыя дзеля Ісуса,1Кар 2:2; 1Кар 3:5
таму што Бог, які сказаў зазьзяць зь цемры сьвятлу, азарыў нашыя сэрцы, каб прасьвятліць нас пазнаньнем славы Божай у асобе Ісуса Хрыста.Быц 1:3; 1Пётр 2:9
Але скарб гэты мы носім у гліняным посудзе, каб веліч сілы бачылася ў Богу, а ня ў нас;1Кар 2:5; 2Кар 3:5
нас адусюль гнятуць, але мы ня прыгнечаныя; мы ў роспачным стане, але не ўпадаем у роспач;
нас гоняць, але мы не пакінутыя; нас валяць, але ня гінем;Пс 36:24
заўсёды носім у целе мёртвасьць Госпада Ісуса, каб і жыцьцё Ісусава адкрылася ў целе нашым.Гал 6:17
Бо мы жывыя няспынна аддаёмся на сьмерць за Ісуса, каб і жыцьцё Ісусава адкрылася ў сьмяротнай плоці нашай,Рым 8:17
так што сьмерць дзее ў нас, а жыцьцё ў вас.
Але, маючы той самы дух веры, як напісана: «я вераваў і таму гаварыў», і мы веруем, таму і гаворым,Пс 115:1
ведаючы, што Той, Хто ўваскрэсіў Госпада Ісуса, уваскрэсіць празь Ісуса і нас і паставіць перад Сабою з вамі.1Кар 6:14; 1Фес 1:10
Бо ўсё дзеля вас, каб багацьце мілаты тым большую ў многіх нарадзіла ўдзячнасьць на славу Божую.
Таму мы не маркоцімся; але калі вонкавы наш чалавек і тлее, дык унутраны - дзень у дзень абнаўляецца,1Пётр 3:4; Эф 3:16
бо нядоўгая лёгкая пакута наша нараджае ў бязьмерным багацьці вечную славу,Рым 8:18
калі мы глядзім не на бачнае, а на нябачнае: бо бачнае - часовае, а нябачнае - вечнае!Габр 11:1