2Кар 2 Карынфянам, раздзел Другое пасланне да Карынфян, раздзел 3
Ці не пачаць нам нанава знаёміцца з вамі? Няўжо патрэбныя нам, як некаторым, пахвальныя лісты да вас альбо ад вас?2Кар 1:12
Вы - нашае пісьмо, напісанае ў сэрцах нашых, пазнаванае і чытанае ўсімі людзьмі;1Кар 9:2
вы паказваеце сабою, што вы - пісьмо Хрыстовае, праз служэньне наша напісанае не чарнілам, а Духам Бога Жывога, не на скрыжалях каменных, а на плоцкіх скрыжалях сэрца.Езк 11:19; Габр 8:10
Такую пэўнасьць мы маем у Богу праз Хрыста,
не таму, што мы самі здольныя былі вымысьліць нешта ад сябе, як бы ад сябе, а здольнасьць нашая ад Бога;Ян 15:5; 1Кар 15:10
Ён даў нам здольнасьць быць слугамі Новага Запавету, ня літары, а Духа, бо літара забівае, а Дух творыць жыцьцё.Ер 31:33; Ян 6:63
Калі ж служэньне сьмерці, сьмертаносным літарам, выразанае на камянях, было такое слаўнае, што сыны Ізраіля не маглі глядзець на аблічча Майсеевае з прычыны мінушчае славы аблічча ягонага,Вых 34:30
дык наколькі ж большае павінна быць служэньне Духа ў славе!
Бо калі служэньне асуджэньня - слава, дык тым больш пераважае ў славе служэньне апраўданьня.
Тое праслаўленае нават ня мае ўжо славы з гэтага боку, з прычыны большае славы наступнага.
Бо, калі мінушчае слаўнае, дык болей слаўнае тое, што застаецца жыць.
Маючы такую надзею, мы дзейнічаем зь вялікай адвагаю,
а ня так, як Майсей, які клаў покрыва на аблічча сваё, каб сыны Ізраіля не глядзелі на канец мінушчага.Рым 10:4
Але розум іхні асьлеплены: бо тое самае покрыва дагэтуль застаецца нязьнятае пры чытаньні Новага Запавету, бо здымаецца яно Хрыстом.Іс 6:10; 1Кар 2:8
Дагэтуль, калі яны чытаюць Майсея, покрыва ляжыць на сэрцы іхнім;
але калі зьвяртаюцца да Госпада, тады гэта покрыва здымаецца.Вых 34:34
Гасподзь ёсьць Дух; а дзе Дух Гасподні, там свабода.Ян 4:24
А мы ўсе, як у люстры, гледзячы на славу Гасподнюю, зьмяняемся ў той самы вобраз са славы ў славу, як з Гасподняга Духа.1Кар 15:49; 2Кар 4:6