Пс Псалтыр, псалом Псалтыр, псалом 148
Алілуя.
Хвалеце Госпада зь нябёсаў, хвалеце Яго ў вышынях.Адкр 5:13
Хвалеце Яго, усе анёлы Ягоныя, хвалеце Яго, усе войскі Ягоныя.Лк 2:13
Хвалеце Яго, сонца і месяц, хавалеце Яго, усе зоркі сьвету.
Хвалеце Яго, нябёсы нябёсаў і воды, якія вышэй за неба.Быц 1:7; Пс 101:1
Хай хваляць імя Госпада, бо Ён сказаў - і сталася, Ён загадаў, і стварылася,Быц 1:6; Пс 135:5; Ер 10:12; Ер 51:15
паставіў іх на векі вечныя; даў наказ, які не праміне.
Хвалеце Госпада зь зямлі, вялікія рыбы і ўсе прадоньні,
вагонь і град, сьнег і туман, буйны вецер, які напаўняе слова Ягонае,Ёў 37:10
горы і ўсе пагоркі, дрэвы плодныя і ўсе кедры,
зьвяры і ўсякае быдла, паўзуны і птушкі крылатыя,
цары зямныя і ўсе народы, князі і ўсе судзьдзі зямныя,Пс 48:3
хлопцы і дзяўчаты, старцы і падлеткі
хай хваляць імя Госпада; бо толькі Ягонае імя высока ўзьнесена, слава Ягоная на зямлі і на нябёсах.Іс 12:4
Ён падняў рог народу Свайго, славу ўсіх сьвятых Сваіх, сыноў Ізраілевых, народу, блізкага Яму. Алілуя.Пс 131:17