Psa Mga Salmo, salmo Ang Libro sa Mga Salmo, salmo 148
Dayega ang Ginoo!
Dayega ninyo ang Ginoo,
kamong anaa sa kalangitan.Rev 5:13
Dayega ninyo siya,
tanan kamong iyang mga anghel,
nga iyang mga sundalo sa langit.Luk 2:13
Dayega ninyo siya, adlaw, bulan,
ug mga bitoon.
Dayega ninyo siya, kinahabogang langit
ug katubigan sa kalangitan.Gen 1:7; Psa 102:0
Modayeg silang tanan sa Ginoo!
Kay sa iyang pagmando, nabuhat silang tanan.Gen 1:6; Psa 136:5; Jer 10:12; Jer 51:15
Gipahimutang niya sila sa ilang mga dapit
sa walay kataposan,
ug naghatag siya ug tulomanon
ug dili nila kini malapas.
Dayega ninyo ang Ginoo,
kamong anaa sa kalibotan,
dagkong mga mananap sa kadagatan,
tanan nga anaa sa kinahiladman sa dagat,
mga kilat, ulan nga ice, snow, mga panganod,
makusog nga hangin nga nagtuman sa iyang sugo,Job 37:10
mga bukid, mga bungtod,
mga kahoy nga namunga o wala148:9 wala: sa Hebreo, mga kahoyng sedro..
Dayega ninyo ang Ginoo,
tanang mga mananap, ihalas o dili,
mga mananap nga nagkamang, ug naglupad.
Dayega ninyo ang Ginoo,
kamong mga hari, mga opisyal, mga tigdumala,
ug tanang katawhan sa kalibotan,Psa 49:2
mga pamatan-on, mga tigulang,
ug mga kabataan.
Modayeg silang tanan sa Ginoo,
kay labaw siya sa tanan.
Mas gamhanan siya kay sa tanang anaa
sa kalibotan ug kalangitan.Isa 12:4
Gilig-on niya ug gipasidunggan
ang iyang matinumanong katawhan,
ang Israel nga palangga niya kaayo.
Dayega ang Ginoo!Psa 132:17