Пс Псалтыр, псалом Псалтыр, псалом 43
Кіроўцу хору. Вучэньне. Сыноў Карэевых.Пс 41:1
Божа, мы чулі на вушы свае, бацькі нашыя нам апавядалі пра дзею, якую ўчыніў Ты ў іхнія дні, у дні пракаветныя.Дрз 6:21; Пс 77:3
Ты рукою Тваёю панішчыў народы, а іх насадзіў; расьсеяў плямёны і выгнаў іх;Вых 15:17
бо ня мечам сваім яны зямлю набылі, і ня іхняя мышца іх выратавала, а Твая правіца і мышца Твая і сьвятло аблічча Твайго; бо дабраволіў ім.Дрз 33:29
Божа, Цару мой! Ты - той самы; даруй ратунак Якаву.
З табою паборам рагамі супраціўнікаў нашых; у імя Тваё патопчам нагамі і тых, што паўсталі на нас;Пс 59:14; Іс 33:22
бо не на лук мой спадзяюся, і ня меч мой уратуе мяне;Пс 19:8
а Ты ўратуеш нас ад ворагаў нашых, і пасароміш ненавісьнікаў нашых.
Хваліцьмемся Богам штодня, і імя Тваё будзем славіць вечна.
Ад сёньня Ты адкінуў нас і пасароміў, і ня выходзіш з войскам нашым,Пс 59:3
змусіў нас уцякаць ад ворага, і ненавісьнікі нашы рабуюць нас;
Ты аддаў нас, як авечак, на поед, і расьсеяў нас між народамі;
бяз выгоды прадаў Ты народ Твой, і не падвысіў яму цаны;1Цар 12:9; Іс 52:3
аддаў нас на зьдзекі суседзям, на глум і зьнявагу наўкольным;Пс 78:4; Ер 24:9
Ты зрабіў нас пагудкаю паміж народамі, і галавою хітаюць народы з нас.
Кожны дзень зьнявага мая перада мною, і сорам на твары маім
ад голасу паклёпнікаў і зьняважнікаў, ад позіркаў ворага і помсьніка:
усё гэта найшло на нас; але мы не забылі Цябе і запавету Твайго не парушылі.Іс 26:8
Не адступілася сэрца наша, і ня ўхіліліся нашыя ногі ад дарогі Тваёй,
калі скрышыў Ты нас у зямлі шакалаў і акрыў нас ценем сьмяротным.
Калі б мы забыліся імя Бога нашага і працягнулі рукі нашы да Бога чужога,
дык ці не спагнаў бы за гэта Бог? Бо Ён ведае таямніцы сэрца.Пс 7:10
Але за Цябе забіваюць нас кожнага дня, прымаюць нас за авечак ахвярных.Рым 8:36
Паўстань, чаго сьпіш, Госпадзе! прачніся, не адкінь назаўсёды.Мц 8:24
Навошта хаваеш аблічча Тваё, забываеш пра скруху нашу і пра нашыя ўціскі?Пс 12:2
бо душа наша зьніжаная да пылу, і да зямлі наша цела прыпала.Іс 51:23
Паўстань жа на дапамогу нам, і дзеля ласкі Тваёй выратуй нас.