Пс Псалтыр, псалом Псалтыр, псалом 59
Кіроўцу хору. На музычным інструмэньце Шушан-Эдут. Залатая псальма Давідава для навучаньня,
калі ён ваяваў зь Сірыяй Месапатамскай і зь Сірыяй Цаванскай, і калі Ёаў, вяртаючыся, перамог дванаццаць тысяч Ідумэяў у даліне Салянай.2Цар 8:1; 1Пар 18:3; 1Пар 18:12
Божа! Ты нас адкінуў, Ты паглуміў нас, угневаўся Ты; вярніся да нас,Пс 43:10
Ты зямлю скалануў, разьбіў яе: загаі разломы яе, бо яна хістаецца.2Пар 7:14
Ты даў народу Твайму зьведаць жорсткае, напаіў нас віном зьдзіўленьня.Пс 74:9
Дай сьцяг тым, хто баіцца Цябе, каб яны паднялі яго дзеля ісьціны,
каб вызваліліся аблюбенцы Твае; уратуй правіцай Тваёю, і пачуй мяне.
Бог сказаў у сьвятыні Сваёй: «перамагу, - падзялю Я Сіхем, і даліну Сукот абмераю;Пс 107:8
Мой Галаад, Мой Манасія, Яфрэм крэпасьць Маёй галавы, Юда скіпетр Мой,
Мааў умывальная шаля Мая; на Эдом абуткам кіну Маім». Кліч мяне, зямля Філістымская!2Цар 8:2; 2Цар 22:44; Іс 21:11
Хто ўвядзе мяне ў горад умацаваны? Хто давядзе мяне да Эдома?
Ці ня Ты, Божа, Які нас адкінуў, і ня выходзіш, Божа, з войскам нашым?Пс 43:10
Дай дапамогу нам ва ўціску, бо дапамога людзкая - марнота.
З Богам мы выявім сілу; Ён скіне ворагаў нашых.Пс 17:30; Пс 107:14