Пс Псалтыр, псалом Псалтыр, псалом 79
Кіроўцу хору. На музычным інструмэньце Шошанім-Эдуф. Псальма Асафава.
Пастыр Ізраілеў! паслухай; Ты, што водзіш, як авечак, Язэпа, і сядзіш на хэрувімах, акажы Сябе.Пс 76:21
Перад Яфрэмам і Веньямінам і Манасіем абудзі сілу Тваю і прыйдзі выратаваць нас.Іс 7:2
Божа! навярні нас; няхай зазьзяе аблічча Тваё, і ўратуемся!Пс 30:17
Госпадзе, Божа сіл! дакуль будзеш гнеўны да малітваў народу Твайго?
Ты накарміў іх хлебам сьлёзным, і напаіў іх сьлязьмі, у вялікай меры,3Цар 22:27; Пс 101:10
паклаў нас супярэчкаю нашым суседзям, і ворагі нашыя зьдзекуюцца.Пс 43:14
Божа сіл! узнаві нас; няхай зазьзяе аблічча Тваё, і ўратуемся!
Зь Егіпта перанёс Ты лазу вінаградную, выгнаў народы, і пасадзіў яе;Пс 43:3
ачысьціў пад яе месца, і ўгрунтаваў карэньне яе, і яна напоўніла замлю.
Горы накрыліся ценем яе, і гольле яе нібы кедры Божыя:
яна пусьціла гольле сваё да мора і пасынкі свае да ракі.Вых 23:31
Навошта разбурыў Ты агароджу яе, так што скубуць яе ўсе, хто ідзе па дарозе?Іс 5:5
Лясны вепр яе падкопвае, і зьвер польны яе аб'ядае.4Цар 17:6; 4Цар 25:1; Пс 67:31
Божа сіл! азірніся, паглядзі зь неба і ўбач, і наведай вінаграднік гэты;
ахавай тое, што пасадзіла правіца Твая, і пасынкі, якія Ты Сабе ўмацаваў.
Яно спалена вагнём, абсечана; хай ад зьзяньня аблічча Твайго загінуць,
хай будзе рука Твая над мужам правіцы Тваёй, над сынам чалавечым, якога Ты ўмацаваў Сабе,
і мы ад Цябе не адступімся; ажыві нас, і мы будзем імя Тваё заклікаць.
Госпадзе, Божа сіл! узнаві нас; няхай зазьзяе аблічча Тваё, і ўратуемся.