Пс Псалтыр, псалом Псалтыр, псалом 74
Кіроўцу хору. Не загубі. Псальма Асафава. Песьня.
Славім Цябе, Божа, славім; бо блізка імя Тваё; абвяшчаюць цуды Твае.Пс 9:2; Пс 43:2
«Калі Я выберу час, Я ўчыню суд па праўдзе.
Хістаюцца зямля і ўсе, хто на ёй жыве: Я ўмацую стаўпы яе».Пс 45:7
Кажу ліхамысным: не шалейце, і бязбожным: не падымайце рога,
не падымайце высока рога вашага, не гаварэце цьвёрдалоба,
бо не ад усходу і не ад захаду і не ад пустыні ўзвышэньне;
а Бог ёсьць Судзьдзя: аднаго прыніжае, а другога ўзносіць;Дан 5:21
бо чара ў руцэ ў Госпада, віно ў ёй кіпіць, поўнае мяшанага, і Ён палівае зь яе. Нават дрожджы зь яе будуць выціскаць і піць усе бязбожнікі зямлі.Пс 59:5
А я буду абвяшчаць вечна, буду апяваць Бога Якаўлевага.
Усе рогі бязбожнікаў паламаю, і ўзьнясуцца рогі праведніка.Лк 1:69