Пс Псалтыр, псалом Псалтыр, псалом 17
Кіроўцу хору. Раба Гасподняга Давіда, калі ён прамовіў ад Госпада словы гэтай песьні ў той дзень, як Гасподзь вызваліў яго з рук усіх ягоных ворагаў і з рукі Саўлавай. І ён сказаў:2Цар 22:1
палюблю Цябе, Госпадзе, моц мая!
Гасподзь мой прытулак і цьвярдыня мая, мой Бог - скала мая; на Яго я спадзяюся, шчыт мой, рог ратунку майго і прытулак мой.Габр 2:13
Паклічу Госпада, годнага пакланеньня, і ад ворагаў маіх уратуюся.
Агарнулі мяне пакуты сьмяротныя, і патокі бяспраўя напалохалі мяне;
ланцугі пекла аблеглі мяне, і сеткі сьмерці аблыталі мяне.Ёў 22:10
У цеснаце маёй паклікаў я Госпада, і да Госпада майго зьвярнуўся. І пачуў Ён зь сьвятых харомаў Сваіх голас мой, і енк мой дайшоў да слыху Ягонага.Пс 33:6; Іс 26:16; Ён 2:3; Ён 2:8
Затрэслася і захісталася зямля; уздрыгнулі і зрушыліся асновы гор; бо ўгневаўся Бог;2Цар 22:8; Ер 10:10
падняўся дым ад гневу Ягонага, і з вуснаў Ягоных вагонь пажыральны; гарачае вугольле сыпалася зь Яго.Дрз 4:24; Езк 10:2; Габр 12:29
Нахіліў Ён нябёсы і сышоў, і змрок - пад нагамі ў Яго.
І сеў на херувімаў і паляцеў, і памчаўся на крылах ветру.
І зрабіў сваёю заслонаю змрок, і ценем вакол Сябе змрок водаў, хмараў нябесных.Іс 50:3
Ад бляску, што прад Ім, уцякалі аблокі Ягоныя, град і вугольле вогненнае.
І загрымеў у нябёсах Гасподзь, і падаў Усявышні Свой голас, град і вогненнае вугольле.1Цар 2:10; 1Цар 7:10; Ер 51:16
Пусьціў стрэлы Свае, і расьсеяў іх, мноства маланак, і рассыпаў іх.
І сталіся крыніцы водаў, і адчыніліся асновы сусьвету ад грознага голасу Твайго, Госпадзе, ад подыху гнеўнага духу Твайго.
Ён працягнуў з вышыні Сваю руку і ўзяў мяне, і дастаў мяне з многіх водаў,Пс 65:12; Пс 68:2
уратаваў мяне ад ворага майго дужага і ад ненавісьнікаў маіх, якія былі дужэйшыя за мяне.
Яны паўсталі на мяне ў дзень няшчасьця майго, але Гасподзь быў мне апораю.
Ён вывеў мяне на шырокае месца і вызваліў мяне; бо ўпадабаў мяне.Пс 30:9
Даў мне Гасподзь паводле праўды маёй, па чысьціні рук маіх узнагародзіў мяне;Ёў 22:30
бо я трымаўся дарог Гасподніх і ня быў бязбожны прад Богам маім;
бо ўсе наказы Ягоныя перада мною, і ад пастановаў Ягоных я не адступаўся.
Я быў прад Ім беззаганны і асьцерагаўся, каб не зграшыць,
і даў мне Гасподзь паводле праўды маёй, па чысьціні рук маіх прад вачыма Ягонымі.
Зь літасьцівым Ты літасьцівы, з чалавекам шчырым - шчыры,
з чыстым - чысты, а з хітрым - паводле хітрыны ягонай.
Бо Ты людзей прыгнечаных цешыш, а вочы пагардлівыя прыніжаеш.1Цар 2:8; Пс 112:7
Ты запальваеш сьветач мой, Госпадзе; Бог мой прасьвятляе цемру маю.Іс 42:16
З табою я пабіваю войска, з Богам маім узыходжу на мур.Пс 59:14
Бог! - Беззаганны шлях Ягоны, чыстае слова ў Госпада; Ён шчыт усім, хто на Яго спадзяецца.Пс 11:7; Пс 18:8; Выс 30:5
Бо хто Бог, апрача Госпада, і хто абарона, апрача Бога нашага?2Цар 22:32; Іс 43:11; Іс 44:6
Бог апаясвае мяне сілаю і пракладае мне правільны шлях,
робіць ногі мае, як у аленя, і на вышынях маіх становіць мяне;Абак 3:19
вучыць рукі мае змагацца, і мышцы мае ламаюць лук медны.Пс 143:1
Ты даў мне шчыт ратунку Твайго, і правіца Твая падтрымлівае мяне, і міласьць Твая ўзьвялічвае мяне.
Ты пашыраеш крок мой пада мною, і ня хістаюцца ногі мае.Пс 30:9
Я перасьледую ворагаў маіх і даганяю іх, і не вяртаюся, пакуль ня вынішчу іх;
пабіваю іх, і ня могуць яны падняцца; пападаюць пад ногі мае,
бо Ты аперазаў мяне сілаю для вайны і кінуў пад ногі мне тых, што на мяне паўсталі;
ты павярнуў да мяне тылам ворагаў маіх; і я зьнішчаю тых, што ненавідзяць мяне:Быц 49:8
яны лямантуюць, ды няма каму іх ратаваць; да Госпада - але Ён ня слухае іх;Ёў 27:9
я расьсейваю іх, як пыл перад абліччам ветру, як вулічны бруд тапчу іх.4Цар 13:7; Пс 82:11; Іс 10:6
Ты збавіў мяне ад бунту народу, паставіў мяне галавою іншапляменцаў; народ, якога я ня ведаў, служыць мне;Рым 15:9
па адной чутцы пра мяне скараюцца мне; чужынцы лісьлівяцца перада мною.
Іншапляменцы бялеюць і трымцяць ва ўмацаваньнях сваіх.
Жывы Гасподзь, і дабраславёны мой абаронца! Хай будзе ўслаўлены Бог ратунку майго.Дрз 32:40
Бог, Які помсьціць за мяне і ўпакорвае мне народы,1Пар 17:10
і вызваляе мяне ад ворагаў маіх! Ты ўзьнёс мяне над тымі, хто паўстае супраць мяне, і ад чалавека жорсткага мяне выбавіў.
За гэта праслаўлю Цябе, Госпадзе, сярод іншапляменцаў і буду сьпяваць імю Твайму;Рым 15:9
таму, хто велічна ратуе цара і творыць міласьць памазанцу Твайму Давіду і роду Ягонаму навечна.